सध्या एकामागोमाग एक चित्रपटांची रांग लागली आहे. अशातच काही दिवसांपूर्वीच ‘अंकुश’ या ऍक्शनपटाने सोशल मीडियावर धुमाकूळ केला. लवकरच हा सिनेमा रसिक प्रेक्षकांच्या भेटीस येणार असल्याची बातमी मिळाली, दरम्यान अभिनेत्री केतकी माटेगावकरच्या ‘अंकुश’ या चित्रपटातील लूकने साऱ्यांचं लक्ष वेधून घेतलं. आता केतकीच्या या पोस्टरनंतर आणखी एका पोस्टरने साऱ्यांची उत्सुकता अधिक ताणली गेली आहे. (New Upcoming Superstar in Ankush)
‘ओमकार फिल्म्स क्रिएशन’ प्रस्तुत तसेच निर्माते राजाभाऊ अप्पाराव घुले निर्मित ‘अंकुश’ हा बिग बजेट ऍक्शनपट ६ ऑक्टोबरला सिनेमागृहात येण्यास सज्ज होत आहे. ‘अंकुश’ या वादळाची सध्या सिनेसृष्टीत चर्चा असतानाच चित्रपटाच्या नव्या पोस्टरने ही चर्चा आणखी रंगतदार केली आहे. हातात हातोडा घेऊन पाठमोरी उभी असलेली व्यक्ती, समोर आलेल्या संकटाना अजिबात न जुमानता खंबीर उभी असलेली ही व्यक्ती नेमकी कोण आहे याकडे आता साऱ्यांचं लक्ष लागून राहील आहे.
ऍक्शन आणि रोमान्स अशा दुहेरी धुरा सांभाळणारा ‘अंकुश’ हा नायक लवकरच रुपेरी पडदा गाजवायला सज्ज होत आहे. मराठमोळ्या तसेच मेहनती स्वभाव आणि नवीन गोष्टी शिकण्याची जिद्द असलेल्या या नायकाच्या हाती ‘अंकुश’ चित्रपटासारखा माईल स्टोन आला आहे, अशातच चित्रपटाच्या त्याच्या पाठमोऱ्या पोस्टरवरील लूकनेच त्याचा चित्रपटातील अभिनय डोळ्यासमोर येत आहे, नक्कीच या सिनेमातील या नायकाची भूमिका वाखाणण्याजोगी असेल यांत वादच नाही. मराठी चित्रपट सृष्टीला मिळालेला हा नवाकोरा चेहरा व बहुगुणी अभिनेता नक्की कोण आहे याकडे आता रसिक प्रेक्षकांच्या नजरा लागून राहिल्या आहेत.
अंकुश मधल्या नायकाला तुम्ही ओळखलंत का कोण आहे हा अभिनेता? (New Upcoming Superstar in Ankush)
‘ओमकार फिल्म्स क्रिएशन’ प्रस्तुत ‘अंकुश’ या चित्रपटाच्या निर्मितीची धुरा निर्माते राजाभाऊ अप्पाराव घुले यांनी सांभाळली असून चित्रपटाचे दिग्दर्शन दिग्दर्शक निशांत धापसे यांनी केलं आहे. तर चित्रपटाची कथा ही नामदेव मुरकुटे यांची आहे. लवकरच हा बिग बजेट ऍक्शनपट नव्याकोऱ्या चेहऱ्यासह बॉक्स ऑफिसवर धुमाकूळ घालायला सज्ज होणार आहे.
