Farah Khan cook Dilip story : अजय देवगनचा ‘सन ऑफ सरदार २’ हा चित्रपट थिएटरमध्ये प्रदर्शित झाला आहे. अलीकडेच अजय देवगण सह-कलाकार मिरिनल ठाकूरसह फराह खानच्या यूट्यूब चॅनेलचा भाग बनला. यावेळी त्याने फराह खानच्या कुक दिलीपबरोबर एक खास पदार्थही बनवला. अजय देवगन आणि त्याच्या कुटुंबाशी दिलीपचा जुना संबंध आहे, ज्याबद्दल फराहने त्याच्या एका व्हीलॉगमध्ये देखील सांगितले. फराह म्हणाली की, १३ वर्षांपूर्वी अजय देवगनच्या घराबाहेर पहिल्यांदा ती दिलीपला भेटली होती. फराह खान यांनी सांगितले की अजयच्या घरी दिलिपचा भाऊ भोला बतौर शेफ म्हणून काम करत आहे.
दिलीप यांनी व्लॉगमध्ये सांगितले की त्याने अजय देवगनच्या आईशी मैत्री केली आहे. त्याच वेळी, दिलीप त्यांच्याकडे आलेल्या मृणाल ठाकूरला पाहून लाजताना दिसला. यापूर्वीही त्यांच्याकडे आलेल्या महिला अभिनेत्रींना पाहून दिलीप लाजतो आणि नंतर त्यांना इंप्रेस करायचा प्रयत्न करतो. असंच काहीस मृणाल ठाकूरच्या बाबतीतही दिलीपने केलं. या खास भागासाठी दिलीप पोलीस बनला होता. आणि मृणालला पनीर बनवायलाही त्याने मदत केली.
अजय देवगनने प्रथम सांगितले की तो दिवाणखान्यात थांबेल आणि स्वयंपाकघरात जाणार नाही, परंतु नंतर तो फराह आणि मृणालच्या मदतीने पोहोचला. त्यानंतर दिलीपने अजय देवगनला सांगितले की तो त्याचा एक मोठा चाहता आहे. त्याच वेळी, फराहने सांगितले की ती पहिल्यांदा दिलीपला कशी आणि कोठे भेटली. फराह म्हणाली, “तुला माहित आहे का हा मला कुठे भेटला? ही गोष्ट तर मी तुला सांगायलाच हवी. हा तुझ्या बंगल्याबाहेर फिरत होता. मी ते कधीच विसरु शकत नाही. हा तुझ्या बंगल्याबाहेर फिरत होता आणि तुझ्या आईने त्याला ‘सन ऑफ सरदार’ सिनेमाचं तिकीट दिलं होतं”.
दिलीप आनंदाने म्हणाला, “आईबरोबर (अजय देवगणची आई) चांगली ओळख होती. कारण माझा लहान भाऊ भोला इथे काम करायचा”. नंतर फराहने अजयला विचारलं की त्याच्या आईला दिलीप आठवतो का. दिलीप अजयला भेटून खूप आनंदी झाला. त्याने फराहचे आभार मानले. चाहतेही फराहचं कौतुक करत आहेत की तिने त्याची आवडत्या स्टारबरोबर भेट घालून दिली.
