Sunny Deol bobby deol net worth : बॉलीवूडचे ज्येष्ठ अभिनेते धर्मेंद्र यांचे २९ नोव्हेंबर रोजी वयाच्या ८९ व्या वर्षी निधन झाले. त्यांच्या निधनाने संपूर्ण कुटुंब हळहळले आहे. धर्मेंद्र यांच्या दोन्ही मुलांचे त्यांच्यावर खूप प्रेम होते. धर्मेंद्र यांना रुग्णालयात दाखल करताच दोन्ही मुले भावूक झाली. धर्मेंद्र यांचा मोठा मुलगा सनी देओलने त्यांच्या पार्थिवावर अंत्यसंस्कार केले. धर्मेंद्र यांच्या निधनानंतर त्यांची पत्नी हेमा मालिनी हिने पहिली प्रतिक्रिया दिली. तर सनी देओल आणि बॉबी देओल यांनी वडिलांच्या निधनानंतर आतापर्यंत मौन बाळगले आहे आणि कोणतीही प्रतिक्रिया दिलेली नाही.
सनी देओल आणि बॉबी देओल दोघेही अभिनयाच्या दुनियेत सक्रिय आहेत आणि नेहमीच ते आपल्या उत्कृष्ट अभिनयाने सर्वांना प्रभावित करत असतात. सनी आणि बॉबीने इंडस्ट्रीत एक वेगळी ओळख निर्माण केली आहे. या दोघांनीही चित्रपटातून मोठी कमाई केली आहे. सनी आणि बॉबीने पुनरागमन केल्यापासून ते सर्वत्र चर्चेत आहेत. धर्मेंद्र यांच्या दोन मुलांमध्ये कोण जास्त श्रीमंत आहे याबाबतचे एक वृत्त माध्यमाद्वारे समोर आलं आहे.
‘टाईम्स ऑफ इंडिया’मध्ये प्रसिद्ध झालेल्या वृत्तानुसार, सनी देओलची संपत्ती १३० कोटी रुपये आहे. सनी देओलसाठी हे वर्ष खूप खास आहे, त्याच्या चित्रपटाला खूप पसंती मिळाली आहे. रिपोर्ट्सनुसार, सनी देओलचा विलेपार्ले येथे एक बंगला आहे ज्याची किंमत सहा कोटी रुपये आहे. याशिवाय त्यांचा जुहूमध्ये एक बंगला आहे ज्यामध्ये ते कुटुंबासह राहतात. या दोन बंगल्याशिवाय सनी देओलची मुंबईत अनेक ठिकाणी प्रॉपर्टी आहे. सनीची पंजाबमध्येही जमीन आहे. त्याच्या कार कलेक्शनबद्दल बोलायचे झाले तर, सनी देओलला आलिशान कारची खूप आवड आहे. त्याच्याकडे Audi A8L, Land Rover Defender 110 देखील आहे.
जेव्हापासून बॉबी देओलने इंडस्ट्रीत पुनरागमन केले आहे, तेव्हापासून तो मुख्यतः नकारात्मक भूमिकांमध्ये दिसला आहे. त्याची ही स्टाईल चाहत्यांना खूप आवडली आहे. रिपोर्ट्सनुसार, बॉबीची एकूण संपत्ती ६६.७ कोटी रुपये आहे. एका चित्रपटासाठी तो ५ ते ८ कोटी रुपये मानधन घेतो. त्याच्याकडे आलिशान गाड्यांचा संग्रहही आहे.
कोण अधिक श्रीमंत आहे
एकूण संपत्तीच्या बाबतीत, सनी देओल त्याचा धाकटा भाऊ बॉबी देओलपेक्षा श्रीमंत आहे. दोन्ही भावांमध्ये खूप प्रेम असून ते अनेकदा एकत्र फोटो शेअर करत असतात.
