बॉलीवूड अभिनेत्री दीपिका पदुकोन गेल्या काही दिवसांपासून चर्चेत आहे. आजवर तिने अनेक चित्रपटांमध्ये महत्त्वपूर्ण भूमिका साकारल्या आहेत. सध्या ती आई होणार असल्याने अधिक चर्चेत आली आहे. अशातच तिचा एक चित्रपटही लवकरच प्रेक्षकांच्या भेटीला येत आहे. ‘कल्की २८९८ एडी’ या चित्रपटाच्या माध्यामातून ती प्रेक्षकांसमोर एका वेगळ्या रूपात येणार आहे. सध्या या चित्रपटाच्या प्रमोशनच्या निमित्ताने ती पुन्हा एकदा चर्चेत आली आहे. प्रमोशनच्या वेळेचे अनेक व्हिडीओदेखील समोर आले. यामध्ये ती बेबी बंप दाखवताना दिसून आली. त्यानंतर ती लगेच पती रणवीर सिंहबरोबर एअरपोर्टवर दिसून आली. (deepika padukone and ranveer singh on babymoon)
चित्रपटाच्या प्री-रिलीजचा कार्यक्रम पार पडल्यानंतर दुसऱ्या दिवशी सकाळी ती रणवीरबरोबर मुंबई एअरपोर्टवर दिसून आली. मिळालेल्या माहितीनुसार दोघंही बेबीमूनसाठी लंडनला जात असल्याचे समजले आहे. या ठिकाणी रणवीर गरोदर पत्नीची किती उत्तम काळजी घेतो हे दिसून येत आहे. समोर आलेल्या व्हिडीओमध्ये दोघांनीही काळ्या रंगाचे स्टायलिश कपडे घातले आहेत. या व्हिडीओमध्ये दीपिकाचं बेबी बंपही स्पष्टपणे दिसून येत आहे.
आणखी वाचा – लेकीच्या लग्नाला जाणार नाहीत शत्रुघ्न सिन्हा?, म्हणाले, “तिला तिचा जोडीदार…”
याआधी आयोजित केलेल्या कार्यक्रमामध्येही दीपिका काळ्या रंगाच्या बॉडीकॉन ड्रेसमध्ये दिसून आली होती. तिच्याबरोबर अमिताभ बच्चन, प्रभास, कमल हसन व राणा डग्गुबतीदेखील दिसले. मात्र चित्रपटापेक्षा अधिक चर्चा दीपिकाने घातलेल्या उंच हिल्सची झाली. या चित्रपटामध्ये दीपिका पद्माच्या भूमिकेत दिसणार असून अमिताभ अश्वत्थामाच्या भूमिकेत तर कमल खलनायकाच्या भूमिकेत दिसणार आहे. हा चित्रपट २७ जून २०२४ रोजी चित्रपटगृहांमध्ये प्रेक्षकांच्या भेटीला येणार आहे. काही दिवसांपूर्वी या चित्रपटाचा ट्रेलर समोर आला होता. चित्रपटातील भव्यदिव्यता पाहून प्रेक्षकांची उत्सुकता अधिक वाढली आहे.
दीपिकाच्या खासगी आयुष्याबद्दल सांगायचे झाले तर, दीपिका व रणवीरने २०१८ साली लग्न केले. तसेच २९ फेब्रुवारी २०२४ साली त्यांनी बाळ येणार असल्याची गुडन्यूज चाहत्याबरोबर शेअर केली होती. तसेच दोघंही आता रोहित शेट्टीच्या ‘सिंघम अगेन’ या चित्रपटात एकत्र काम करतानाही दिसणार आहेत.
