बॉलिवूडचा सुपरस्टार सलमान खानने त्याच्या अभिनयाने नेहमीच प्रेक्षकांच्या मनात घर केलं. सलमान खानचे लाखो चाहते दिवाने आहेत. त्याची एक झलक दिसावी म्हणून अनेक चाहते वाट पाहत असतात. तसेच सेल्फीसाठी बरेचदा त्याच्याभोवती घोळका करतानाही दिसतात. सलमान खानही नेहमीच त्याच्या चाहत्यांबरोबर मस्ती करताना दिसतात. पण कधी कधी चाहत्यांच्या वागणुकीवर भाईजानचा पारा चढलेलाही पाहायला मिळाला आहे. सलमान नेहमीच त्याच्या चाहत्यांना भेटतो. तसेच त्यांच्याबरोबर फोटो क्लिक करतो, मात्र यावेळी काही वेगळेच घडलेला एक व्हिडीओ समोर आला आहे. (Salman Khan Viral Video)
सलमान खान त्याच्या फॅन्सवर नाराज झाल्याचा एक व्हिडीओ समोर आला आहे. सलमानने त्याच्या चाहत्याला फटकारले आहे. ज्याचा व्हिडीओ सोशल मीडियावर व्हायरल होत आहे. व्हायरल होत असलेला सलमान खानचा हा व्हिडीओ विमानतळावरील आहे. या व्हिडीओमध्ये सलमान फिरत असून एक चाहता दूरवरुन त्याचा व्हिडीओ बनवत असल्याचं पाहायला मिळत आहे. सलमान त्याच्या सुरक्षा टीमसह पुढे जात असताना सलमान चाहत्याला सेल्फी घेताना बघतो तेव्हा त्याला राग येतो.
चाहत्याला सेल्फी घेताना पाहिल्यावर लगेच राग येतो आणि तो फोन बंद करण्यासाठी ओरडतो. सलमानची टीम चाहत्याला कॅमेरे बंद करण्यास सांगत आहे. दरम्यान, हा व्हिडीओ सोशल मीडियावर तुफान व्हायरल झाला आहे. या व्हिडीओवर अनेकांनी कमेंट करत त्या चाहत्यावर टीका केली आहे. कलाकारांच्या प्रायव्हसीचीही काळजी घेतली पाहिजे, असे प्रत्येकजण म्हणत आहे. तर एकाने लिहिले आहे की, “तुम्ही ठीक आहात का? बॉलीवूड अभिनेते आणि अभिनेत्रींना फॉलो करणे थांबवा”.
सलमान खान नुकताच जामनगरहून मुंबईला परतला आहे. मुकेश अंबानी व नीता अंबानी यांचा मुलगा अनंत अंबानी व राधिका मर्चंट यांच्या प्री-वेडिंग फंक्शनमध्ये सहभागी होण्यासाठी गेला होता. सलमान खानचे डान्स व मस्ती करतानाचे व्हिडीओ व फोटो सोशल मीडियावर व्हायरल होत आहेत. सलमान खान, शाहरुख खान व आमिर खान यांनी स्टेजवर एकत्र परफॉर्म केले. त्यांचा डान्सचा व्हिडीओही सोशल मीडियावर व्हायरल होत आहे.
