dharmendra passed away at 89 : बॉलीवूडचे ही-मॅन अशी ओळख असणारे धर्मेंद्र आज आपल्यात नाहीत. वयाच्या 89 व्या वर्षी त्यांनी अखेरचा श्वास घेतला आहे. मुंबईतील ब्रीच कँडी रुग्णालयात त्यांच्यावर उपचार सुरू होते. मात्र उपचारादरम्यानच त्यांचं निधन झालं असल्याचं समोर आलंय. सुरुवातीला त्यांना नियमित उपचारांसाठी रुग्णालयात ठेवण्यात आले होते मात्र भेटायला येणाऱ्या लोकांची संख्या वाढू लागताच ते मागील काही दिवसांपासून आयसीयू मध्ये असल्याचे समोर आलं.
धर्मेंद्र यांचं वृद्धापकाळाने निधन झालं आहे. धर्मेंद्र यांच्या जाण्यान संपूर्ण सिनेविश्वावर शोककळा पसरली आहे. इतकंच नाहीतर कलाकार मंडळींना खूप मोठा धक्का बसला आहे. तसेच धर्मेंद्र यांच्या कुटुंबीयांवरही दुःखाचा डोंगर कोसळला आहे. तर चाहत्यांमध्ये ही काळजीच वातावरण पाहायला मिळत आहे.
आणखी वाचा – ९ सेमी ट्यूमर आणि किडनी स्टोन; दीपिका कक्करवर उपचार सुरु, २२% यकृताचा भागही काढला, डॉक्टरांनाही बसला धक्का
धर्मेंद्र यांनी आपल्या सहा दशकांच्या प्रदीर्घ कारकिर्दीत ‘शोले’, ‘चुपके चुपके’, ‘सत्य काम’, सीता और गीता’ यांसारख्या अनेक गाजलेल्या चित्रपटांमध्ये काम केल आहे. त्यांच्या अभिनयातील सहजता करारी व्यक्तिमत्व आणि भावनिक अभिव्यक्ती यांमुळे प्रेक्षकांच्या मनात ते अधिराज्य गाजवत आहेत.
