Sagar Karande News : ‘बिग बॉस मराठी’च्या घरात सदस्य विशेष धुमाकूळ घालताना दिसतात. शिवाय बरेचदा या कलाकार मंडळींचं दिवसभराचं रुटीन पाहायला मिळतं. अशातच ‘बिग बॉस’च्या घरातील सागर कारंडेचा एक व्हिडीओ सोशल मीडियावर तुफान व्हायरल होताना दिसत आहे. आणि या व्हिडीओमध्ये सागर कारंडे बाथरुममध्ये तंबाखू मळताना दिसत आहे. तेवढ्यात राधा आणि अनुश्री तिथे येतात. हा व्हिडीओ ११व्या एपिसोडचा आहे आणि तो एका युट्युबरकडून पोस्ट करण्यात आला आहे. इतकंच नाहीतर आता हा व्हिडीओ ‘बिग बॉस मराठी’ फेम डीपी म्हणजेच धनंजय पोवारनेही पोस्ट केला आहे.
धनंजय पोवारनं इन्स्टाग्रामवर एक व्हिडीओ शेअर केला आहे. या व्हिडीओच्या सुरुवातीला डीपी म्हणत आहे की, “मी काय दाखवतोय, ते फक्त बघा मला शंका आहे”, असं म्हणत डीपीनं सागर कारंडेचा ‘बिग बॉस’च्या घरातील एक व्हिडीओ शेअर केला आहे. डीपी पुढे म्हणाला, “सागर दादा काय करतोय माहित नाही. सागर हात बडवतोय. जे काम तंबाखू खाणारा माणूस करतो, ते सगळं इथे निदर्शनास येतंय. आता बघा, त्यातला कचरा टाकला आता हात मागे घेतला. त्याच्या पाठीमागे जे दिसतंय, ती कदाचित तंबाखूची पुडी आहे”.
आणखी वाचा – साऊथ सुपरस्टारचे निधन; वयाच्या ५४व्या वर्षी घेतला अखेरचा श्वास
पुढे त्याने म्हटलं, “वैष्णव म्हणून मुलगा आहे, त्यानं हा व्हिडीओ शेअर केला आहे. फक्त मला डाऊट आहे. खरं खोटं तुम्ही बघा. सागर भाऊ, मळ तू डबल” हा व्हिडीओ शेअर करत डीपीनं “शब्दच नाहीत सागर भाऊ मळ डबल”. धनंजयच्या या व्हिडीओवर नेटकऱ्यांनीही कमेंटचा वर्षाव केला आहे. “Dp dada तुम्ही बरोबर ओळखल”, “म्हणजे हे scripted असणार. रिऍलिटी शो असता तर व्यसन करु दिले नसते”, अशा अनेक कमेंट आल्या आहेत.
आणखी वाचा – ‘बिग बॉस मराठी’ फेम सदस्याचं बहिणीच्या दीरासोबत प्रेमप्रकरण; ‘या’ कारणामुळे झालं ब्रेकअप, नेमकं प्रकरण काय?
वैष्णवबरोबर आता धनंजय पोवारनं शेअर केलेल्या या व्हिडीओवरुन सागर खरंच ‘बिग बॉस’च्या घरात तंबाखू मळत होता का? असा प्रश्न उपस्थित झाला आहे.
