Bigg Boss Marathi 5 : ‘बिग बॉस मराठी’चा पाचवा सीझन यावर्षी १०० दिवसांऐवजी फक्त ७० दिवसातच संपणार आहे. त्यामुळे शोमध्ये अनेक टास्क अनेक ट्विस्टदेखील कमी झालेत. सीझन संपायला काही दिवस बाकी असल्याने घरात नुकताच फॅमिली स्पेशल भाग होत आहे. यामुळे घरातील सदस्यांबरोबर प्रेक्षकांचीही इच्छा पूर्ण झाली आहे. अखेर सदस्यांचे कुटुंबीय त्यांना भेटण्यासाठी घरात येणार आहेत. गुरुवारच्या भागात ‘बिग बॉस मराठी’च्या घरात अभिजीत, वर्षा, जान्हवी व डीपी यांच्या कुटुंबियांनी हजेरी लावली होती. यावेळी त्यांच्या कुटुंबियांना पाहून घरातील सर्वच भावुक झाल्याचे पाहायला मिळाले. (Bigg Boss Marathi 5 Suraj Chavan Family)
अशातच आजच्या भागात उर्वरीत सदस्यांच्या घरातील मंडळी ‘बिग बॉस’च्या घरात येणार आहेत. यामध्ये अंकिता, सूरज, पॅडी व निक्की यांच्या सदस्यांचा समावेश आहे. यापैकी सूरजच्या कुटुंबियांचा आता ‘बिग बॉस मराठी’च्या घरात प्रवेश होणार आहे. सूरजला भेटण्यासाठी ‘बिग बॉस’च्या घरात त्याची बहीण व आत्या यांचा समावेश आहे. कलर्स मराठीने सूरजच्या कुटुंबियांच्या ‘बिग बॉस मराठी’च्या घरातील प्रवेशाचा भावुक व्हिडीओ शेअर केला आहे.
सूरजच्या आत्या व बहिणींनी या घरात प्रवेश करताच त्यांच्या एका कृतीने सर्वांचे लक्ष वेधून घेतलं आहे. ‘बिग बॉस’च्या घरात प्रवेश करताच सूरजच्या आत्या व बहीणींनी त्यांच्या पायातील चप्पल काढली आहे आणि त्यांची ही कृती सोशल मीडियावर कौतुकास पात्र ठरत आहे. याआधी सूरजनेदेखील अशा छोट्या कृतींमधून सर्वांचे लक्ष वेधून घेतलं होतं. अशातच त्यांच्या कुटुंबियांची ही साधी व सोपी कृती सर्वांचे सर्वांचे लक्ष वेधत आहे. या प्रोमोमध्ये आपल्या आत्या व बहिणींना पाहून सूरजला अश्रु अनावर झाले आहेत.
अभिजीत, वर्षा व डीपी यांच्या कुटुंबीयांना पाहून सूरज त्याच्या घरातील सदस्यांची आतुरतेने वाट पाहताना दिसला होता. मात्र आता ही उत्सुकता संपली आहे. सूरजच्या घरच्यांनी ‘बिग बॉस’च्या घरात प्रवेश केला आहे. दरम्यान, या व्हिडीओला प्रेक्षकांकडूनही तुफान प्रतिसाद मिळत आहे. त्याच्या अनेक चाहत्यांनी त्यांची इच्छा पूर्ण झाली असल्याचे कमेंट्समध्ये म्हटलं आहे.
