Bigg Boss Marathi 5 Update : ‘बिग बॉस मराठी’च्या नवीन पर्वाची जोरदार सुरुवात झाली. पहिल्या दिवसापासून घरात एकमेकांचे वाद होत आहेत. वर्षा उसगांवकर व निक्की तांबोळी यांच्यातील वाद तर थांबायचं नावचं घेतं नाहीत. या घरात निक्की वर्षा उसगांवकरांचा सतत अपमान करताना दिसत आहे. अनेक मराठी कलाकारांनी, नेटकऱ्यांनी व वर्षा यांच्या चाहत्यांनी सोशल मीडियाद्वारे निक्की विरोधात आवाज उठवला आहे. तिचं वर्षाताईंबरोबरचे वागणं आवडत नाही. अशातच अभिनेत्री किशोरी शहाणे यांनी वर्षा उसगांवकर व निक्की तांबोळी यांच्यातील वादावर आपलं स्पष्ट मत मांडलं आहे. यावेळी त्यांनी तरुण मुलांकडून आमच्या सारख्यांना डावललं जात असल्याचे सांगितलं. (Kishori Shahane On Varsha Usgaonkar)
किशोरी शहाणे यांनी ‘इट्स मज्जा’च्या ‘ठाकूर विचारणार’ या मुलाखतीच्या कार्यक्रमात ‘‘बिग बॉस मराठी’च्या नुकत्याच सुरु झालेल्या पर्वाबद्दल आपलं मत व्यक्त केलं आहे. यावेळी किशोरी यांना वर्षा उसगांवकरांबद्दल विचारण्यात आले. याचे उत्तर देत किशोरी यांनी असं म्हटलं की, “यावेळचं ‘बिग बॉस’ हे खूपच सुंदर आहे असं मला वाटतं. खूप चांगले स्पर्धक यंदा घरात पाहायला मिळत आहे. पहिला भाग बघितल्यानंतर मला खूपच मज्जा आल. नंतरचे भाग मी पाहिले नाहीत. पण मी बघायचा प्रयत्न करत आहे आणि वर्षाला तोच प्रॉब्लेम होत आहे, जो मला झाला होता. तो म्हणजे यंगस्टर्स (तरुण मुलं-मुली) ते आपल्याला डावलतात. आदर न देता मागे खेचण्याचा प्रयत्न करतात”.
यापुढे त्या असं म्हणाल्या की, “पण वर्षाने माझा खेळ पाहिला असेल तर ती यातून उभी राहील. तिने माझा खेळ पाहिला आहे आणि ‘बिग बॉस’बद्दल आमच्या खूप गप्पाही झाल्या आहेत. त्यामुळे ती तिथली परिस्थिती उत्तमपणे सांभाळेल असं मला वाटतं”. यापुढे त्यांनी त्यांच्या ‘बिग बॉस’च्या घरातील प्रवासाबद्दल असं म्हटलं की, “‘बिग बॉस’च्या घरातील वातावरण हे खूपच ताणावाचं होतं. मी खूप टेंशनमध्ये होते. कारण ते आत्मविश्वास खाली आणतात. तुम्हाला एकटं पाडतात आणि तो त्यांचा खेळ असतो. म्हणजे तुम्ही इतकं नाराज व्हायला पाहिजे की तुम्ही घरातून बाहेरचं पडलं पाहिजे”.
दरम्यान, ‘बिग बॉस’च्या घरात निक्की व वर्षा यांच्यात आल्यापासून चांगलीच जुंपली आहे. या घरात आल्याच्या पहिल्या दिवसापासूनचं त्यांच्यातील भांडणं पाहायला मिळाली. या भांडणात तिने अनेकदा वर्षाताईंचा अपमान केला. यावर आता रितेश काय भूमिका घेणार? हे आजच्या भागात पाहायला मिळणार आहे. त्यामुळे आजच्या भाऊचा धक्का या विशेष भागासाठी प्रेक्षक उत्सुक आहेत.
