Bigg Boss Marathi 5 : ‘बिग बॉस मराठी ५’मध्ये सहभागी झालेल्या स्पर्धकांची कोणत्या ना कोणत्या कारणावरून सातत्याने चर्चा रंगलेली दिसते. जेव्हा हे स्पर्धक शोचा भाग असतात, त्यावेळी बिग बॉसने दिलेले टास्क, वादविवाद, भांडणे, इतर स्पर्धकांशी असलेली समीकरणे यांमुळे हे स्पर्धक चर्चेचा भाग बनतात. तर, शोमधून बाहेर पडल्यानंतर या स्पर्धकांच्या नावांच्या अनेक चर्चा होताना दिसतात. ‘बिग बॉस मराठी ५’ मध्ये अनेक स्पर्धकांपैकी निक्की व अरबाज या दोन स्पर्धकांची चांगलीच चर्चा रंगली होती. अरबाज कमिटेड असल्याचे सांगूनही निक्की व अरबाजमध्ये कायमच मैत्रीचे नाते पाहायला मिळाले. (Bigg Boss Marathi 5 Nikki and Arbaz)
काही दिवसांपूर्वी अरबाजने घरात प्रवेश केला होता. तेव्हा अरबाज निक्कीला उचलून घेऊन आता बेडरूममध्ये गेला आणि तिची समजूत काढण्याचा प्रयत्न केला होता. यावेळी त्याने माझं जे काही होतं ते सगळं मी बाहेर जाऊन संपवलेलं आहे. माझे काही असंख्य अफेअर्स वगैरे नाहीत” असं म्हटलं. यावेळी निक्कीनेही अरबाजबद्दलच्या नात्याची कबुली दिली होती. निक्कीने असं म्हटलं होतं की, “मी आता एक निर्णय घेत आहे की मला आता तूच पाहिजे”. यामुळे दोघांच्या नात्याबद्दलच्या अनेक चर्चा रंगल्या होत्या.
अशातच आता ‘बिग बॉस मराठी’ संपल्यानंतर या दोघांनी एकमेकांची भेट घेतली असून या भेटीचा फोटोही सोशल मीडियावर शेअर केला आहे. या फोटोला त्यांच्या अनेक चाहत्यांनी लाईक्स व कमेंट्स करत चांगलाच प्रतिसादही दिला आहे. नेटकऱ्यांनी या जोडीचे कौतुक केलं असून अनेकांनी दोघांना एकत्र यावे असंही म्हटलं आहे. त्याचबरोबर अनेकांनी निक्की ‘बिग बॉस मराठी’ची विजेती व्हावी अशा अनेक कमेंट्सदेखील केल्या आहेत.
आणखी वाचा – “झापुक झुपूक काम आणि…”, सूरज चव्हाणचं आर्याने केलं भरभरुन कौतुक, म्हणाली, “माझ्या भावाने…”
दरम्यान, ‘बिग बॉस मराठी’च्या घरात अरबाज व निक्कीमध्ये मैत्रीपलीकडच्या नात्याचे वारे वाहत होते. ‘बिग बॉस’च्या घरात अरबाज निक्कीसाठी अनेकदा भावुक झाल्याचे पाहायला मिळाले. तसंच तो तिच्यासाठी अनेकदा आक्रमकही झाला. अरबाजने घरातून निरोप घेतला होता, तेव्हा निक्की पूर्णत: कोलमडून गेली होती. पण आता यांच्यात पुन्हा सूत जुळल्याचे पाहायला मिळत आहे.
