Shamita Shetty dating news : अभिनेत्री शमिता शेट्टी तिच्या वैयक्तिक आयुष्यामुळे अनेकदा चर्चेत आली आहे. नुकताच अभिनेत्रीने तिचा वाढदिवस तिच्या कुटुंबियांसोबत साजरा केला. या वाढदिवसाच्या सेलिब्रेशनचे फोटो सोशल मीडियावर व्हायरल झाले आहेत. यादरम्यान, तिचे टेक्नो आर्टिस्ट दीपेश शर्मासोबतचे फोटोही व्हायरल होत आहेत. शमिताच्या दीपेशसोबतच्या अफेअरच्या बातम्या चर्चेत आल्या आहेत. शमिता शेट्टी लव्ह लाईफमुळे चर्चेत आहे. दीपेशने शमितासोबतच्या बर्थडे सेलिब्रेशनचे अनेक फोटो शेअर केले आहेत. या फोटोंमध्ये ते एकत्र पोज देताना दिसले. यावेळी त्यांच्यासोबत शिल्पा शेट्टीही होती.
फोटोंच्या कॅप्शनमध्ये तिने लिहिले, “वाढदिवसाच्या शुभेच्छा, माझी मैत्रीण जी मला नेहमी हसवते. जिला माझ्या सर्व कथा माहित आहेत आणि तरीही माझ्याबरोबर ती कायम आहे. लव्ह यू मेरी शमस्टर”. यावर कमेंट करताना शमिताने लिहिले, “ओव”. आणि यासह तिने रेड हार्ट इमोजी देखील जोडला आहे. त्यांच्या या पोस्टनंतर त्यांच्या अफेअरच्या बातम्या चर्चेत आल्या. मात्र, याबाबत शमिता किंवा दीपेशकडून अद्याप कोणतीही पुष्टी झालेली नाही.
शमिताचे अभिनेता राकेश बापटसोबत अफेअर होते. राकेश आणि शमिता यांची भेट ‘बिग बॉस ओटीटी’मध्ये झाली होती. पण हे नाते फार काळ टिकले नाही. २०२२ मध्ये त्यांचे ब्रेकअप झाले. यानंतर तिचे नाव आमिर अलीसोबतही जोडले गेले. आमिर आणि शमिताचा एक व्हिडीओ व्हायरल झाला होता, ज्यामध्ये आमिर पार्टीबाहेर शमिताला किस करताना दिसत होता. मात्र शमिता आणि आमिरने हे दोघे फक्त मित्र असल्याचे स्पष्ट केले.
शमिताने ‘मोहब्बतें’, ‘द टॅलेंट’, ‘फरेब’, ‘कॅश’, ‘मेरे यार की शादी है’, ‘जहर’, ‘बेवफा’, ‘अग्निपंख’ यांसारखे चित्रपट केले आहेत. शमिताला फिल्मी दुनियेत जे यश मिळालं ते तिची बहीण शिल्पा शेट्टीला मिळालं नाही. शमिता शेट्टी ४७ वर्षांची असून तिचे अद्याप लग्न झालेले नाही.
