Anurag Dobhal Health Update : ‘Bigg Boss 17’ मधून प्रसिद्धी मिळवलेला युट्यूबर आणि कंटेंट क्रिएटर Anurag Dobhal सध्या चर्चेत आला आहे. नुकताच त्याचा भीषण अपघात झाल्याची माहिती समोर आली असून या घटनेनंतर चाहत्यांमध्ये चिंतेचं वातावरण पाहायला मिळत आहे. मिळालेल्या माहितीनुसार, शनिवारी रात्री अनुराग इन्स्टाग्रामवर लाईव्ह होता. त्यावेळी तो मानसिकदृष्ट्या खूप तणावात असल्याचं आणि स्वतःला एकटं वाटत असल्याचं सांगताना दिसला. दरम्यान तो कार चालवत असताना अचानक त्याने कारचा वेग वाढवला. काही क्षणांतच कारचा वेग १५० किलोमीटरपर्यंत पोहोचल्याचं सांगितलं जात आहे.
वेग जास्त झाल्यामुळे कारवरील नियंत्रण सुटलं आणि त्याची कार आदळली. या धडकेत त्याचा गंभीर अपघात झाला. अपघातानंतर अनुरागला तातडीने रुग्णालयात दाखल करण्यात आलं. या घटनेचे काही व्हिडीओ सोशल मीडियावर मोठ्या प्रमाणात व्हायरल होत असून चाहते त्याच्या प्रकृतीबाबत सतत चौकशी करताना दिसत आहेत. दरम्यान, अनुरागची पत्नी Ritika Chauhan हिने सोशल मीडियावर पोस्ट करत त्याच्या प्रकृतीबाबत माहिती दिली आहे. इन्स्टाग्राम स्टोरीद्वारे तिने सांगितलं की, “अनुराग सध्या सुरक्षित आहे. अपघातात त्याला काही दुखापती झाल्या असल्या तरी तो लवकरच बरा होईल, अशी माहिती तिने दिली”. (Anurag Dobhal Health Update )
तसेच सध्या त्यांच्या कुटुंबासाठी हा काळ कठीण असल्याचं सांगत कोणत्याही अफवा पसरवू नयेत, अशी विनंतीही तिने केली आहे. याशिवाय अनुरागच्या मॅनेजरनेही सोशल मीडियावर पोस्ट करत त्याच्या प्रकृतीची माहिती दिली. सध्या अनुराग डॉक्टरांच्या निरीक्षणाखाली असून त्याच्यासोबत त्याचे कुटुंबीय आणि जवळचे मित्र रुग्णालयात उपस्थित आहेत, असं त्यांनी सांगितलं. दरम्यान, या घटनेनंतर सोशल मीडियावर अनुरागच्या लवकर बरे होण्यासाठी चाहते प्रार्थना करताना दिसत आहेत. (Anurag Dobhal Health Update )
