सध्या ‘बिग बिग ओटीटी ३’ अधिक चर्चेत आहे. या पर्वामध्ये विविध क्षेत्रातील अनेक ओळखीचे चेहरे बघायला मिळत आहेत. शो सुरु झाल्यापासून यामध्ये अनेक ट्विस्ट पाहायला मिळाले आहेत. नुकताच ‘विकेंड का वार’ पार पडला यामध्ये ‘वडापाव गर्ल’ म्हणजेच चंद्रिका दीक्षितला घराबाहेर पडावे लागले. ‘वडापाव गर्ल’ या नावाने तिचा प्रोमोदेखील व्हायरल झाला होता. या प्रोमोमध्ये अनिल कपूर चंद्रिकाला इतरांच्या प्रश्नांवर सतत बोलल्यामुळे फटकारताना दिसले. या आठवड्यात लुकेश कटारिया, विशाल पांडे, चंद्रिका दीक्षित, अरमान मलिक आणि शिवानी कुमारी यांना मिड वीक नॉमिनेशनमध्ये नॉमिनेट करण्यात आले होते. (chandrika dixit on big boss ott makers)
या आठवड्यात लुकेश कटारिया, विशाल पांडे, चंद्रिका दीक्षित, अरमान मलिक आणि शिवानी कुमारी यांना मिड वीक नॉमिनेशनमध्ये नॉमिनेट करण्यात आले होते. अशातच आता चंद्रिका घराबाहेर पडल्यानंतर तिचा एक व्हिडीओ समोर आला आहे. यामध्ये ती शोबद्दल नाराजी व्यक्त करताना दिसत आहे. तसेच तिने शोच्या निर्मात्यांवर आरोपदेखील केले आहेत. तिचं हा व्हिडीओ सोशल मिडीयावर मोठ्या प्रमाणात व्हायरल होत आहे.
‘बिग बॉस…’ मधून बाहेर पडल्यानंतर चंद्रिका मुलाखती देत आहे. यामधील एका मुलाखतीने सगळ्यांचेच लक्ष वेधून घेतले. या व्हिडीओमध्ये चंद्रिका शोच्या निर्मात्यांवर रंग काढताना दिसत आहे. तिने सांगितले की, “तुम्ही मला पाडत आहात आणि दुसऱ्याला वर आणत आहात. तुम्ही असे कसे करु शकता. आता समजले आहे की माणूस त्याच्या स्वार्थासाठी काहीही करु शकतो. मी कधीही कोणाचं काही चुकीचं केलं नाही, कोणाचं काही चुकीचं सांगितलं नाही. मात्र तरीही लोक म्हणाले की हीची सकारात्मकतातर गेली आहे आता हीच्याबद्दल काहीतरी नकारात्मक करूया”.
दरम्यान आता चंद्रिका घरातून बाहेर पडल्यानंतर, एकाची वाइल्ड कार्ड एंट्री झाली आहे. इन्फ्ल्युएन्सर अदनान शेखची वाइल्ड कार्ड एंट्री झाली आहे. अदनान व एल्विश यादव यांच्यात मोठा वाद आहे. त्यामुळे आता या शोमध्ये नक्की काय ट्विस्ट येईल हे पाहाण्यासारखे आहे.
