छोट्या पडद्यावर सध्या ‘अप्पी आमची कलेक्टर’ ही मालिका तुफान गाजत आहे. लीप घेतल्यापासून ही मालिका लोकप्रियतेच्या अव्वल स्थानावर आहे. सध्या या मालिकेत अर्जुन व अप्पी यांच्या नात्यात अनेक चढ-उतार येत असल्याचं पाहायला मिळत आहे. गेले काही दिवस अर्जुन व अमोल यांची भेट कधी होणार? याची सर्वानाच उत्सुकता लागून राहिली होती. अशातच आता ही उत्सुकता पूर्ण होणार आहे. कारण अर्जुनला त्याचा मुलगा कोण आहे? हे कळणार आहे.
त्यामुळे अमोलला आता त्याचा बाबा मिळणार आहे. अमोल व अर्जुन हे दोघे आता बाप-लेक म्हणून समोर येणार आहेत. नुकत्याच शेअर करण्यात आलेल्या प्रोमोमध्ये अमोल किडनॅप झाला असून त्याला वाचवण्यासाठी अर्जुन येणार आहे. या मालिकेत अमोलला ज्या किडनॅपरने किडनॅप केले आहे, तो खऱ्या आयुष्यात अमोल म्हणजेच साईराजचा खरा बाबा आहे. या मालिकेतून त्यांनी आपल्या लेकासह अभिनय क्षेत्रात पदार्पण केले आहे.
त्यामुळे आता एकीकडे सिंबाची त्याच्या रील वडिलांची भेट होणार आहे तर दुसरीकडे सिंबा व त्याचे रिअल बाबादेखील पडद्यावर झळकणार आहेत. गणेश केंद्रे असे साईराजच्या वडिलांचे नाव असून ते सोशल मीडियावर खूप सक्रिय असतात. अशातच त्यांची ही खास झलक सध्या सोशल मीडियावर चांगलीच व्हायरल होत आहे.
आणखी वाचा – ‘तुला शिकवीन…’मधील अधिपती लेकीला देतो अधिकाधिक वेळ, मुलगी दिसते फारच क्युट, नावही ठेवलं आहे अगदी युनिक
छोट्या सिंबाच्या अभिनयाने अल्पावधीतच प्रेक्षकांची मन जिंकली. काही महिन्यांपूर्वी ‘आमच्या पप्पांनी गणपती आणला’ या रीलमुळे साईराजला तुफान लोकप्रियता मिळाली होती. त्याच्या निरागस अभिनयासाठी त्याचे खुप कौतुकही झाले. त्यानंतर त्याला ‘अप्पी आमची कलेक्टर’ या मालिकेत पाहुन सर्वांनाच खूप आनंद झाला.
दरम्यान, अमोल भेटताच अर्जुन प्रचंड भावूक होतो. त्यामुळे आता अर्जुनला त्याचा लेक भेटल्यानंतर या मालिकेत कोणता नवा ट्विस्ट येणार? अमोलला नेमकं कोणी किडनॅप केलं? या प्रकरणामुळे अप्पी-अर्जुन पुन्हा एकत्र येणार का? या सगळ्या प्रश्नांची उत्तर प्रेक्षकांना आगामी भागांतून मिळतील.