गेल्या वर्षी म्हणजेच २०२३मध्ये लग्न झालेल्या अलाना पांडे व आयव्हर मॅकक्रे यांनी चाहत्यांसह एक गुडन्यूज शेअर केली आहे. लवकरच दोघे आई-बाबा होणार आहेत. म्हणजेच अभिनेत्री अनन्या पांडे मावशी होणार आहे. अनन्याच्या बहिणीने अलानाने इंस्टाग्रामवर तिच्या मॅटर्निटी शूटचा व्हिडीओ पोस्ट केला. या व्हिडीओमध्ये अलाना व आयव्हर पोज देताना दिसले आहेत. दोघांनी बेबी बंपसह क्यूट पोज दिल्या आहेत. व्हिडीओमध्ये हे जोडपे एकमेकांकडे पाहून हसतानाही दिसत आहे. अलानाने तिच्या सोनोग्रामची झलकही दाखवली आहे. या व्हिडीओमध्ये, अलानाने फ्लोरल स्ट्रिंग ड्रेस घातला होता तर आयव्हर पांढरा शर्ट व ट्राउझर्समध्ये खूप उठून दिसत होता. (Ananya Panday Sister Pregnant)
हा व्हिडीओ शेअर करत अलानाने लिहिले की, “आम्ही तुझ्यावर खूप प्रेम करतो. आम्ही तुला भेटण्यासाठी थांबू शकत नाही”, या पोस्टला उत्तर देत तिच्या नवऱ्याने लिहिले, “मी माझ्या बाळाला भेटण्यासाठी थांबू शकत नाही, मी तुझ्यावर प्रेम करतो”, असं म्हटलं. अनुषा दांडेकर व तानिया श्रॉफ यांनी या जोडप्याचे अभिनंदन केले.
भावना पांडेने यावर कमेंट केली आहे की, “अलाना आम्ही खूप प्रतीक्षा करु शकत नाही. खूप प्रेम व शुभेच्छा”. तर अलानाची आई, डीन पांडे म्हणाली, “तुझा व्हिडीओ पाहून भावुक झाले आहे. मी आजी होणार आहे, तू माझ्या बाळा खूप सुंदर दिसत आहे. तुला पाहण्यासाठी थांबू शकत नाही. मी लवकरच आजी होणार आहे”, असं म्हणत तिने आनंद व्यक्त केला आहे.
अलाना ही चंकी पांडेचा भाऊ चिक्की पांडे व फिटनेस ट्रेनर डीन पांडे यांची मुलगी आहे. गेल्यावर्षी मार्चमध्ये मुंबईत हिंदू रितीरिवाजांनुसार त्यांनी लग्न केले. लग्नाला अलानाची चुलत बहीण अनन्या पांडे, चंकी तसेच रेखा, शाहरुख खान, जॅकी श्रॉफ, बॉबी देओल, नीलम कोठारी, महिमा चौधरी, तुषार कपूर यांच्यासह अनेक बॉलिवूड सेलिब्रिटींनी हजेरी लावली होती.अलानाने २०२१ मध्ये तिचा बॉयफ्रेंड आयव्हरशी लग्न केले. आयव्हर हा व्यवसायाने यूएस स्थित फोटोग्राफर आहे. लग्न करण्याचा निर्णय घेण्यापूर्वी अलाना व आयव्हर यांनी अनेक वर्षे एकमेकांना डेट केले. त्याचे युट्युब चॅनल असून तो लॉस एंजेलिस, यूएसए येथे राहतो. इन्स्टाग्रामवर त्याचे मोठ्या संख्येने फॉलोअर्सही आहेत.
