भारतात, महाराष्ट्रात गणेशोस्तव हा सण धुमधडाक्यात साजरा केला जातो. गणेश चर्तुर्थीची अनेक जण आतुरतेने वाट पाहत असतात. सर्वसामान्यांपासून ते कलाकार मंडळींपर्यंत अनेकजण गणपतीसाठी उत्सुक असतात. गणपती बाप्पाच्या आगमनासाठी प्रत्येकजण आपापल्या परीने देखावे, सजावट करत असतो. कलाकार मंडळींमध्ये तर गणेशोत्सवाचा उत्साह अधिक असलेला पाहायला मिळतो. बरेचदा कामानिमित्त या कलाकार मंडळींना सण साजरे करायला मिळत नाही. (Amruta Deshmukh On Ganeshotsav)
तर बरेचदा काही कलाकार हे कामानिमित्त परदेश दौरा करण्यातही व्यस्त असतात. मात्र आता गणेशतोत्सवाची धामधूम परदेशात ही पाहायला मिळतेय. परदेशी असलेले भारतीय गणेशोत्सव साजरा करताना दिसतात. अशातच एका मराठमोळ्या अभिनेत्रीने परदेशात गणेशोत्सवाचा आनंद घेतला आहे. ही मराठमोळी अभिनेत्री दुसरी तिसरी कोणी नसून आहे अभिनेत्री अमृता देशमुख. अमृता ही सध्या नाटकांच्या दौऱ्यानिमित्त परदेश दौरा करण्यात व्यस्त आहेत.
‘नियम व अटी लागू’ या नाटकाने रसिक प्रेक्षकांच्या मनाचा ठाव घेतला. या नाटकांत अभिनेता संकर्षण कऱ्हाडे व अभिनेत्री अमृता देशमुख मुख्य भूमिकेत पाहायला मिळत आहेत. या नाटकाच्या दौऱ्यानिमित्त नाटकांची संपूर्ण टीम परदेश दौरा करण्यात व्यस्त आहे. परदेशात गेले असल्याने ते त्याच्या कुटुंबियांना मिस करत आहेत. शिवाय सध्या सर्वत्र गणेशोत्सवाची धामधूम पाहायला मिळतेय, त्यामुळे परदेश दौऱ्यानिमित्त गेलेले हे कलाकार गणेशोत्सवाला मिस करत आहेत.
मात्र यंदाचा गणेशोत्सव हा ते मिस जरी करत असले तरी परदेशातही त्यांना गणेशोत्सवाचा आनंद घेता आला आहे. अमृताने कॅन्सस येथील गणेशोत्सवानिमित्त काढलेले पारंपारिक अंदाजात काही फोटो शेअर केले आहेत, या फोटोंबरोबर तिने तिथल्या लोकांसोबत नाचतानाचा एक व्हिडीओदेखील शेअर केला आहे. याखाली तिने म्हटलंय, “बाप्पा आगमन in Kansas City ????????, Thank You Kansasकर ..नट्टा-पट्टा करता आला..मजा आली..बाप्पाशी भेट झाली”. घरापासून दूर असलेले हे कलाकार घरच्यांना, इथल्या परंपरा, संस्कृतीला मिस करत असतात. यंदा अमृताशी तिच्या घरापासून दूर आहे, असं असलं तरी परदेशातही तिला गणपती बाप्पाच दर्शन घेता आलं आहे.