Akanksha Chamola Gaurav Khanna : ‘बिग बॉस १९’ संपल्यापासून विजेता गौरव खन्ना आणि त्याची पत्नी आकांक्षा चमोला चर्चेत आहेत. अलीकडेच, आकांक्षाने इंस्टाग्रामवर एक गुप्त पोस्ट शेअर केली होती, ज्यामध्ये तिने नातेसंबंधाच्या मूलभूत गरजा आणि हृदयाच्या त्यागाबद्दल सांगितले होते. या पोस्टवरुन आकांक्षा आणि गौरवचे वैवाहिक जीवन सुरळीत सुरु असल्याची अटकळ बांधली जाऊ लागली. काही रिपोर्ट्समध्ये त्यांच्या घटस्फोटाचा दावाही करण्यात आला होता. आता आकांक्षा चमोलाने यावर आपले मौन तोडले आहे. आकांक्षा चमोलाने गौरव खन्नासोबतच्या तिच्या वैवाहिक जीवनातील गोंधळाचे सत्य सांगितले. या अनुमानांना उत्तर देताना आकांक्षाने ‘ईटाईम्स’ला सांगितले की, “आमच्या लग्नात कोणतीही अडचण नाही आणि त्या पोस्टचा गौरवशी काहीही संबंध नाही. मी सोशल मीडियावर वैयक्तिक विषयांवर चर्चा करत नाही. ती पोस्ट माझ्या आगामी मालिकेच्या प्रमोशनसाठी होती. लोक त्या पोस्टचा आपापल्या परीने अर्थ लावू शकले असते, पण हे प्रकरण फार मोठे झाले”.
आकांक्षा चमोलाने इंस्टाग्रामवर स्टोरी पोस्ट करत लिहिले होते की, “ज्या नात्यात फक्त गरजांचा पाया असतो, त्या नात्यात हृदयाचा त्याग केला जातो”. ही पोस्ट पाहताच आकांक्षा आणि गौरव खन्ना यांच्यात मतभेदाच्या बातम्या येऊ लागल्या, तर यूजर्सनी आकांक्षावर टीका करण्यास सुरुवात केली. काहींनी ही पोस्ट गौरव खन्नाची वडील बनण्याची इच्छा आणि आकांक्षाने आई न होण्याच्या निर्णयाशी जोडण्यास सुरुवात केली. याबाबत आकांक्षा चमोलाला विचारले असता ती म्हणाली, “मी यावेळी ट्रोल क्वीन झाली आहे. याबाबत मी नेहमीच उघडपणे बोलत आले आहे. गौरव थोडा सावध आहे कारण त्याला माझी प्रतिमा जपायची आहे. आमच्यात वयाचा फरक आहे आणि मी काय बोलते ते समजून घेण्याइतपत तो प्रौढ आहे”.
आणखी वाचा – पीटी उषा यांच्यावर कोसळला दुःखाचा डोंगर, पतीचे निधन, घरातच चक्कर येऊन कोसळले आणि…
आकांक्षा पुढे म्हणाली, “मी स्पष्टपणे सांगितले आहे की मी मातृत्व निवडणार नाही. आई न होण्याचा निर्णय हा माझा स्वतःचा आहे आणि मला तो कोणालाच सांगण्याची गरज नाही. हे सर्व फक्त सोशल मीडियावर सुरु आहे. सोशल मीडियाच्या बाहेर, मला चुकीचे म्हटलेले किंवा माझ्या निर्णयांवर प्रश्नचिन्ह उपस्थित करणारे मला कधीही भेटलेले नाही”.
गौरव खन्ना आणि आकांक्षा यांची प्रेमकहाणी
गौरव खन्ना आणि आकांक्षा यांच्या वयात ९ वर्षांचा फरक आहे. त्यांची प्रेमकहाणी एका ऑडिशनदरम्यान सुरु झाली. या दोघांनी २०१६ मध्ये पुन्हा लग्न केले. गौरवप्रमाणेच आकांक्षा देखील टीव्ही स्टार राहिली आहे आणि तिने अनेक टीव्ही शो केले आहेत. त्यांच्या लग्नाला १० वर्षे झाली आहेत.
