समस्त हिंदुस्थानचे आराध्य दैवत छत्रपती शिवाजी महाराज यांच्या अजरामर इतिहासावर अनेक चित्रपट येत असतात. काही चित्रपट हे प्रेक्षकांच्या काळजात कायमचं स्थान मिळवतात. छत्रपती शिवाजी महाराज यांच्या इतिहास रुपेरी पडद्यावर ८ चित्रपटांच्या रूपात मांडण्याचा ध्यास घेतला आहे लेखक दिग्दर्शक दिग्पाल लांजेकर यांनी. ८ चित्रपटांपैकी ५ व चित्रपट “सुभेदार” हा नुकताच प्रदर्शित करण्यात आला. तत्पूर्वी चित्रपटाच्या टिझर, ट्रेलर आणि गाण्यांनी सर्वत्र चांगलाच धुमाकूळ घातलेला पाहायला मिळाला. (Ajay Purkar Subhedar Movie)
सुभेदार चित्रपटात छत्रपती शिवाजी महाराज यांचे परम मित्र नरवीर सुभेदार तान्हाजी मालुसरे यांचा इतिहास प्रेक्षकांसमोर मांडण्यात आला. ५०० मावळ्यांसह कोंढाणासर करणं आणि त्यामागे असलेला त्याग या चित्रपट दाखवण्यात आला आहे. सोबतच महाराज आणि सुभेदार तान्हाजी मालुसरे यांच्यातील मैत्रीचं एक वेगळं नातं या चित्रपटात पाहायला मिळतं. नुकतंच चित्रपटात ग्रँड प्रीमियर सोहळा पार पडला. या प्रीमियर सोहळ्याला कलाकारांसह त्यांच्या कुटुंबातील सदस्यांनी देखील हजेरी लावली होती. चित्रपटातील अंगावर शहारे आणणाऱ्या प्रसंगांसोबतच चित्रपटा व्यतिरिक आणखी एक प्रसंग प्रेक्षकांच्या मनाला भावुक करून गेला तो म्हणजे चित्रपट संपल्यानंतर अजय पुरकर यांच्या मुलीचे डोळे पाणावलेले पाहायला मिळाले.(Ajay Purkar Daughter Emotional)
एखाद्या कलाकाराला त्याच्या उत्कृष्ट अभिनयासाठी मिळणाऱ्या कोणत्याही पुरस्कारापेक्षा जवळच्या माणसांनी केलेलं कौतुक हे जास्त मोठं असत हे अजय पुरकर आणि त्यांच्या मुलीच्या या भावुक व्हिडिओवरून स्पष्ट होतं. सुभेदार या चित्रपटात अजय पुरकर यांनी नरवीर तान्हाजी मालुसरे यांची भूमिका साकारली आहे. चित्रपटाचे दिग्दर्शक दिग्पाल लांजेकर यांनी या पूर्वी ४ ऐतिहासिक चित्रपटांची निर्मिती, दिग्दर्शन केलं आहे. या मध्ये फर्जंद, पावनखिंड, फतेहशिकस्त, शेर शिवराज या चित्रपटांचा समावेश आहे.(subhedar review)
सुभेदार चित्रपटाची तारीख या आधी 2 वेळा बदलन्यात आली होती. परंतु चित्रपटाच्या प्रदर्शनानंतर प्रेक्षकांच भरभरून प्रेम चित्रपटाला मिळत आहे. चित्रपटाच्या गाण्यांच सध्या सर्वत्र कौतुक केल जातय.