बरेच दिवसांपासून सिनेसृष्टीत लगीनघाई सुरु असलेली पाहायला मिळत आहे. अशातच प्रेक्षकांच्या लाडक्या दगडूने लग्नगाठ बांधली आहे. काही दिवसांपूर्वी प्रथमेश परबने त्याची गर्लफ्रेंड क्षितिजा घोसाळकरसह लग्न केले. अगदी शाही थाटामाटात प्रथमेश व क्षितिजा यांचा विवाहसोहळा संपन्न झाला. प्रथमेश व क्षितिजा यांच्या लग्नाचे अनेक फोटो, व्हिडीओ सोशल मीडियावर तुफान व्हायरल झाले. त्यांच्या लग्नसोहळ्याबरोबरच त्यांच्या लग्नापुर्वीच्या विधींचे फोटोही समोर आले. दोघांच्या हळदीच्या फोटोंनी, व्हिडीओने तर अक्षरशः धुमाकूळ घातला. (Prathamesh Parab Wife Birthday)
बरीच वर्ष एकमेकांना डेट केल्यानंतर प्रथमेश व क्षितिजा यांनी लग्न करण्याचा निर्णय घेतला. व्हॅलेंटाईन डेचे औचित्य साधत दोघांनी साखरपुडा केला. त्यांच्या साखरपुड्यातीलही रोमँटिक फोटो चांगलेच चर्चेत राहिले. प्रथमेश व क्षितिजा यांनी अगदी साध्या पद्धतीने त्यांचा लग्नसोहळा उरकला. लग्नानंतर ही जोडी कामाच्या व्यस्त श्येड्युलमधून वेळात वेळ काढत लोणावळा येथे फिरायला गेली होती. तेथे मनसोक्त फिरतानाचे अनेक व्हिडीओ, फोटो त्यांनी त्यांच्या इंस्टाग्राम अकाउंटवरुन शेअरही केले होते.
लग्नानंतर ही प्रथमेश व क्षितिजा त्यांच्या संसारात रमलेले दिसले. तर क्षितिजाही तिच्या सासरी रमलेली दिसत आहे. अशातच लग्नानंतर आता प्रथमेशच्या पत्नीचा पहिला वाढदिवस तिच्या सासरच्या घरी साजरा करण्यात आला आहे. सोशल मीडियावर प्रथमेशने त्याच्या बायकोचा साजरा केलेल्या वाढदिवसाचा व्हिडीओ पोस्ट केला आहे. यांत अगदी रात्री बारा वाजता क्षितिजाला सगळ्यांनी शुभेच्छा दिल्या आहेत. तर क्षितिजासाठी आणलेल्या केकवर मिसेस. परब असं लिहिलं होतं. शिवाय केक कट केल्यानंतर तिला सरप्राईज गिफ्टही दिल आहे. प्रथमेशने बायकोला डायमंडची चैन व अंगठी व ब्रेसलेट गिफ्ट केलं आहे. तर तिच्या सासूबाईंनी सूनेचं औक्षण करत तिला शुभेच्छा दिल्या आहे.
हा व्हिडीओ शेअर करत प्रथमेशने या व्हिडिओला दिलेलं कॅप्शन लक्षवेधी ठरत आहे. “हॅपी बर्थडे बायको. बायको म्हणताना खूपच वेगळ वाटतं, आपल वाटतं. तुझ असणं, हसणं, रडणं, रुसणं, समजून घेणं, समजावणं, सतत हसत राहणं, लोकांना ही हसवत ठेवणं, सगळचं खूप भारी आहे. थँक यु या सगळ्या गोष्टींसाठी. माझं तुझ्यावर खूप प्रेम आहे” असं म्हणत त्याने बायकोला वाढदिवसाच्या शुभेच्छा दिल्या आहेत.
