Sakav Webseries Actors : मराठी मालिकाविश्वात अशा काही मालिका असतात ज्या कायमच प्रेक्षकांच्या मनात घर करून जातात. मालिका संपल्या तरी त्या मालिकेतील कलाकार त्या मालिकेतील त्यांच्या भूमिका, त्या मालिकेचा संवाद, त्या मालिकेतील कथा हे सगळंच प्रेक्षकांच्या मनात कायम असतं. यापैकीच एक मालिका म्हणजे ‘झी मराठी’ वाहिनीवरील ‘गाव गाता गजाली’. कोकणी भाषेत विनोदी व आशयघन कथा घेऊन या मालिकेने प्रत्येक कोकणी माणसाच्या मनावर राज्य केलं. केवळ कोकणीच नाहीतर जगभरात या मालिकेचा चाहतावर्ग आहे.
या मालिकेतील अभिनेता दिगंबर नाईक आणि अभिनेत्री अस्मिता खतखते यांच्या भूमिका प्रेक्षकांच्या विशेष पसंतीस पडल्या. या मालिकेत दिसलेली ही दोन पात्र पहिल्यांदाच एकत्र येत आहेत. आणि दोघेही कोकणी भाषेतच राडा घालणार असल्याचे समोर आले आहे. नुकत्याच समोर आलेल्या ‘साकव’ या वेबसीरिजच्या ट्रेलर मध्ये दिगंबर नाईक आणि अस्मिता खतखते यांची एकत्र भूमिका पाहायला मिळाली. पती-पत्नीच्या भूमिकेत असलेले हे कलाकार त्यांच्या संवादाने, मालवणी भाषेने, त्यांच्या अभिनयाने प्रेक्षकांची मनं जिंकून घेताना दिसत आहेत.
आणखी वाचा – बाप-लेकाची कथा असलेला ‘साकव’चा ट्रेलर समोर, दिगंबर नाईकांच्या भूमिकेची कमाल, लवकरच प्रेक्षकांच्या भेटीला
बाप-लेकाच्या अनोख्या नात्यावर भाष्य करणारी ही वेबसीरिज असल्याचे समोर आले. या वेबसीरिजमध्ये अर्थात दिगंबर नाईक आणि अस्मिता यांच्या भूमिका पाहणं रंजक ठरेलच. मात्र कथेत कोणता ट्विस्ट असणार हे पाहणं देखील उत्सुकतेच असणार आहे. येत्या २ जुलैपासून प्रत्येक गुरुवारी ही वेबसीरिज इट्स मज्जा ओरोजिनल या युट्युब चॅनेलवर प्रदर्शित होणार आहे.
आणखी वाचा – फुलांच्या पायघड्या, औक्षण अन्…; अनुष्का सरकटेचं सासरी जंगी स्वागत, गोंधळातही जोड्याने थिरकले…
निर्माते सौरिंद्र नाथ दत्ता यांची निर्मिती असलेली ही ‘साकव’ ही वेबसीरिज असून नितीन वाडेवाले यांनी या सीरिजच्या दिग्दर्शनाची जबाबदारी सांभाळली आहे. तर सीरिजचे लेखन नितीन पवार यांनी केले आहे. आणि प्रॉडक्शन व क्रिएटिव्ह हेड म्हणून अंकिता अशोक प्रतिभा लोखंडे यांनी संभाळली आहे. कोकणात शूट झालेल्या या वेबसीरिजमध्ये कोणते कलाकार असणार हे गुलदस्त्यात असल्याने वेबसीरिज कधी येणार याची उत्सुकता लागून राहिली आहे.
