ओटीटीवर दर आठवड्याला नवीन काहीतरी प्रदर्शित होतंच असते. ओटीटीवर अ‍ॅक्शन, ड्रामा, रोमान्स अशा सगळ्या आशयाचे नवीन चित्रपट किंवा वेबसिरीज प्रदर्शित होत असतात. अशातच येत्या वीकेंडला ओटीटी वापरकर्त्यांसाठी चित्रपट व वेबसिरीजची पर्वणी असणार आहे. हे नवीन चित्रपट आणि वेबसिरीज कोणत्या आहेत, जाणून घ्या…
आदुजीविथम – द गोट लाइफ : ‘आदुजीविथम – द गोट लाइफ’ हा मल्याळम सर्व्हायव्हल ड्रामा आहे. या चित्रपटात पृथ्वीराज सुकुमारन, जिमी जीन-लुईस आणि केआर गोकुळ यांच्या प्रमुख भूमिका आहेत. हा चित्रपट एका सत्य घटनेवर आधारित आहे. या चित्रपटाचे दिग्दर्शन ब्लेसी यांनी केले असून यात पृथ्वीराज सकुमारनव अमाला पॉल यांच्या भूमिका आहेत. डिस्ने प्लस हॉटस्टार या ओटीटी माध्यमावर आज म्हणजेच १० मे रोजी प्रदर्शित होणार आहे.
अनदेखी ३ : नंदिश संधू, हर्ष छाया यांची ‘अनदेखी ३’ ही सोनी लिव्हवरील सर्वात लोकप्रिय सीरिज आहे. या सीरिजचे याआधी दोन सीझन प्रदर्शित झाले असून या दोन्ही सीझनला प्रेक्षकांचा तूफान प्रतिसाद मिळाला. हे दोन्ही सीझन्स खूप हिट झाले. आशातक आता निर्मात्यांनी तिसरा सीझनही प्रेक्षकांच्या भेटीला आणला आहे. ‘अनदेखी’ सीरिजचा हा तिसरा भाग आज म्हणजेच १० मे रोजी प्रदर्शित होत आहे. तुम्ही आधीचे दोन्ही सीझन पहिले असतील तर आता हा तिसरा भागही तुमचे चांगलेच मनोरंजन करेल हे नक्की. ही मालिका हिंदी, तमिळ, तेलगू, मल्याळम, कन्नड, मराठी आणि बंगाली भाषेत प्रदर्शित होणार आहे. या मालिकेत दिव्येंदू भट्टाचार्य, सूर्या शर्मा, हर्ष छाया, आंचल सिंग, अंकुर राठी आणि अभिषेक चौहान यांच्या भूमिका आहेत.
मर्डर इन माहीम : माहीम स्टेशनवर झालेल्या एका भीषण हत्येच्या पार्श्वभूमीवर हा शो पीटरच्या मागे येतो कारण तो या गुन्ह्याच्या तपासात अडकतो. जेव्हा त्यांचा मुलगा सुनील या प्रकरणात संशयित बनतो तेव्हा प्रकरण अधिक तीव्र होते. या दरम्यान, पीटर आणि जेंडे स्वतःला छुप्या आकांक्षा, पिळवणूक आणि बिनधास्त प्रेमाच्या क्षेत्रात बुडलेले दिसतात कारण ते मायावी किलरचा पाठलाग करतात अशी मर्डर इन् माहीमची कथा आहे.यामध्ये आशुतोष राणा व विजय राज फिजियोलॉजिकल क्राइम थ्रिलर सीरिज ‘मर्डर इन माहिम’मध्ये मुख्य भूमिकेत आहेत. या मर्डर मिस्ट्री सीरिजमध्ये शिवानी रघुवंशी व शिवाजी साटमदेखील दिसतील. ही सीरिज १० मे रोजी जिओ सिनेमा या ओटीटी माध्यमावर प्रदर्शित होईल.
8 एएम मेट्रो : ही एक लव्हस्टोरी असून यात गुलशन देवैया व सैयामी खेर मुख्य भूमिकेत आहेत. हा चित्रपट १० मे रोजी झी ५ वर रिलीज होईल. 8 एएम मेट्रोची कथा दोन व्यक्तींभोवती फिरते सकाळी आठ वाजता ते मेट्रोमध्ये कसे भेटतात आणि हळूहळू त्यांचे नाते कसे पुढे जाते हे या चित्रपटात दाखवण्यात आले आहे.
