Actress Allegations to Producer : ‘हाउस अरेस्ट’,’गंदी बात 3′ आणि ‘जुली’ सारख्या चित्रपटांमध्ये दिसलेली अभिनेत्री नेहल वडोलिया यांनी दिग्गज चित्रपट दिग्दर्शक सुभाष घई यांच्या नावावर आरोप केला. सुभाष घई हे सुप्रसिद्ध दिदर्शक व निर्माते आहेत. अभिनेत्रीने असा दावा केला होता की त्यांनी हॉटेलच्या खोलीत ओठांवर चुंबन घेण्याचा प्रयत्न केला. जेव्हा ही गोष्ट वाऱ्यासारखी पसरली, तेव्हा चित्रपट निर्मात्याने यावर भाष्य करणं अचूक समजलं आणि आपली बाजू सोशल मीडियाद्वारे मांडत असे आरोप पूर्णपणे फेटाळून लावले.
‘गलाटा इंडिया’ला दिलेल्या मुलाखतीत नेहलने सांगितलं, “मी माझ्या मॅनेजरला डेट करत होते. एकेदिवशी तो मला सुभाष घईंच्या भेटीला घेऊन गेला. आम्ही एका हॉटेलमध्ये गेलो तिथे दोन खोल्या होत्या. त्यातील एका रुममध्ये काही लोक मद्यपान करत होते. तेव्हा सुभाष घई मला म्हणाले की, ‘चल मी तुला बाल्कनी दाखवतो. इथून संपूर्ण शहर कसं दिसतं, ते दाखवतो’. मी बाल्कनीतून बाहेर पाहत होते, तेव्हा ते माझ्याकडे एकदम जवळून पाहत उभे होते. मग ते मला म्हणू लागले की, तू खूप सुंदर हसतेस. तू बॉलिवूडमध्ये खूप काही करु शकतेस. तुझं खूप मोठं नाव होईल. तू खूप सेक्सी आहेस, असं ते बडबडू लागले”.
आणखी वाचा – टीव्ही अभिनेत्रीच्या दोन्ही मुलांचा आगीत होरपळून मृत्यू, धाकटा होता प्रसिद्ध बालकलाकार
अभिनेत्री पुढे म्हणाली, “त्यांच्याकडे दुर्लक्ष करुन मी दुसऱ्या रुममधील वॉशरुममध्ये गेली. तेव्हा तिथेसुद्धा ते माझ्या मागेमागे आले. ते माझ्या जवळ येण्याचा प्रयत्न करत होते. ते मला किस करण्यासाठी जवळ येत होते. मी घाबरून तोंड वळवलं तर त्यांनी माझ्या गालावर किस केलं”, असा धक्कादायक अनुभव नेहलने मुलाखतीदरम्यान सांगितला.
आणखी वाचा – रुपाली भोसलेच्या नव्या गाडीचा अपघात, मोठं नुकसान पण अभिनेत्री सुखरुप, व्हिडीओद्वारे दाखवली झलक
या व्हायरल झालेल्या बातमीनंतर सुभाष घई यांनी त्यांच्या इन्स्टाग्राम अकाऊंटवर घराच्या गार्डनचा एक फोटो शेअर करत या प्रकरणावर मौन सोडलं. “जर एखादं मूल तुमच्याकडे मदतीसाठी आलं, तर त्यांच्या व्यावसायिक प्रवासात त्यांना मदत करणं आणि मार्गदर्शन करणं हे एका वरिष्ठाचं कर्तव्य असतं. परंतु आजकाल प्रसिद्धीसाठी खऱ्या किंवा खोट्या विधानांसह सोशल मीडियावर झळकू इच्छिणाऱ्या अनोळखी लोकांना भेटणं भीतीदायक आहे. आजकाल मी जे काही ऐकतोय, त्यावरुन इतकंच म्हणेन की देव त्यांना आशीर्वाद देवो. आदरपूर्वक करिअर घडवण्यासाठी एकमेकांचा सन्मान करणं गरजेचं असतं”.
