genelia deshmukh niece : अशा बऱ्याच अभिनेत्री आहेत ज्या अभिनयाबरोबरच कुटुंबालाही नेहमीच प्राधान्य देताना दिसतात. अभिनयाची, करिअरची धुरा सांभाळत या अभिनेत्री त्यांच्या कुटुंबाच्या जबाबदाऱ्याही पेलवताना दिसतात. शूटिंगच्या व्यस्त वेळापत्रकातून वेळ काढत या अभिनेत्री कुटुंबाला वेळ देतात. यापैकी एक म्हणजे अभिनेत्री जिनिलिया देशमुख. जिनिलियाने आजवर तिच्या स्वभावाने रसिक प्रेक्षकांचं मन जिंकलं आहे. जिनिलिया सोशल मीडियावर बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात असते. सध्या जिनिलिया तिच्या कुटुंबासह दिवाळी एन्जॉय करत आहे.
दरवर्षी देशमुख कुटुंब लातूर येथील त्यांच्या घरी सहकुटुंब जमतात. आणि सगळ्याच सणाला जसं जमेल तसं हे कुटुंब त्यांच्या मूळ गावी एकत्र जमताना दिसतं. अशातच यंदाच्या दिवाळीलाही देशमुख परिवार एकत्र जमलं आहे. आज धनत्रयोदशीच्या दिवशीही हे कुटुंब एकत्र जमलं आहे. धनत्रयोदशीच्या दिवशीचा स्पेशल व्हिडीओ जिनिलियाने तिच्या इंस्टाग्राम अकाउंटवर शेअर केला आहे. यांत जिनिलियाची पुतणी तिचं औक्षण करताना दिसत आहे. हा भावुक व्हिडीओ तिने इंस्टाग्रामवर शेअर केला आहे.
जिनिलीयाने तिची पुतणी दिवीयानासाठी खास पोस्ट शेअर केली आहे. अभिनेत्रीने हा सुंदर असा व्हिडीओ शेअर करतं असं लिहिलं आहे की, “ही आमच्या घरची गोड मुलगी; जिच्यावर माझं मनापासून प्रेम आहे. ती फुटबॉल खेळते, तिला नेहमीच वेगळं काहीतरी करायला आवडतं. आज तिने माझं औक्षण केलं. खरंच, तिला माझं औक्षण करताना पाहून माझे डोळे पाणावले . खूपच भरुन आलं. आय लव्ह यू दिवू, मला तुझा खूप खूप अभिमान आहे. तू कल्पनाही करु शकत नाहीस इतका. धिरज व दीपशिखा हे खरे तुमचे संस्कार आहेत”.
आणखी वाचा – दोन जीव प्रेमाने जोडत, पुन्हा नव्याने भेटीस येतोय ‘पाऊस २’, नवोदित जोडीच्या अभिनयाने वेधलं लक्ष
जिनिलीयाने हा व्हिडीओ शेअर केला आहे. यामध्ये अभिनेत्री दिवीयानाला प्रेमाने जवळ घेत असल्याचं पाहायला मिळत आहे. जिनिलीयाचा व्हिडीओ शेअर करत दिपशिखाने, “हा व्हिडीओ पाहून मी सुद्धा भारावून गेलेय” अशी प्रतिक्रिया दिली आहे. सध्या जिनिलिया आणि तिच्या पुतणीच खास बॉण्ड असलेला व्हिडीओ सोशल मीडियावर तुफान व्हायरल झालेला पाहायला मिळत आहे.
