Shashank Ketkar angry post : सिनेसृष्टीत अशी बरीच प्रकरण कानावर आली आहेत ज्यात अनेक कलाकारांचे मानधन रखडवले आहे. यावरुन या कलाकारांनी आवाजही उठवलेला पाहायला मिळाला. अशातच आता एका मराठी अभिनेत्याने गेल्या पाच वर्षात काम केलेल्याचे पैसे दिले नसल्याचे म्हणत संतप्त प्रतिक्रिया व्यक्त केली आहे. थेट सोशल मीडियावर पोस्ट शेअर करत या अभिनेत्याने पैसे न दिल्या प्रकरणी आपलं मत मांडल आहे आणि राग व्यक्त केला आहे. हा अभिनेता म्हणजेच मालिका विश्वातील लोकप्रिय चेहरा शशांक केतकर. शशांकने यापूर्वी ही बरेचदा हे प्रकरण बाहेर काढलं होतं. पैसे न दिल्या प्रकरणी त्याने आवाज उठवलेला पाहायला मिळाला.
आता या प्रकरणाला पाच वर्षे पूर्ण होताच अभिनेत्याने थेट सोशल मीडियावर पोस्ट शेअर करत स्पष्टीकरण दिलं आहे. इतकंच नाही तर अभिनेत्याने या स्पष्टीकरणाशिवाय डिटेल व्हिडीओ काय असेल हे जर उद्यापर्यंत पैसे नाही आले तर पोस्ट करत सांगणार असल्याची धमकी सुद्धा दिली आहे. शशांक नेहमीच सोशल मीडियावर त्याची मतं स्पष्टपणे मांडत आला आहे. ट्रॅफिक संदर्भात असो, रस्त्यावरील खड्डे प्रकरण असो वा एखाद्या राजकीय पक्षाबाबत असो शशांक नेहमीच निडरपणे स्पष्ट असं मत मांडत आला आहे. यांत आता भर घालत त्याने पैसे रखडवल्याबाबत आवाज उठविला आहे.
आणखी वाचा – पाच कोटी रुपयांच्या फसवणुकीवरुन जय दुधाणेला अटक, प्रतिक्रिया देत म्हणाला, “हनिमूनसाठी जात असताना…”
शशांकने इन्स्टाग्रामवर एक स्टोरी शेअर करत लिहिले, “पाच वर्षे होऊन गेली. मागची पाच वर्षे आणि ८ ऑक्टोबर २०२५ पासून पुन्हा संपर्क निर्माण झाल्यानंतर दिलेली एकही तारीख त्या निर्मात्याने पाळली नाही. थोडक्यात काय निगरगट्ट, कोडग्या निर्मात्याच्या थापांचा आता कंटाळा आला आहे. उद्याची म्हणजेच ५ जानेवारी २०२६ ही अजून एक तारीख त्याने दिली आहे. पूर्ण पेमेंट जमा झाले नाही तर सगळ्या कुंडलीसकट एक डिटेल व्हिडीओ करेन”, अशा तीव्र शब्दात त्याने निर्मात्याची शाळा घेतली आहे.
आणखी वाचा – साऊथ अभिनेत्याची मद्यधुंद अवस्थेत चारचाकीला धडक; अपघातादरम्यान ५३ वर्षीय व्यक्तीचा मृत्यू, नेमकं प्रकरण काय?
शशांकने असेही लिहिले की, “पेमेंट झाले तर ते मिळाले, असाही व्हिडीओ पोस्ट करेन”. अद्याप शशांकची ही पोस्ट संभ्रमात टाकणारी आहे. कारण अभिनेत्याने अद्याप तो कोणत्या प्रोजेक्टबद्दल बोलत आहे याबाबत स्पष्टीकरण दिलेलं नाही. त्यामुळे नेमकं हे प्रकरण कोणाबाबत आहे हे अद्याप समोर आलेलं नाही.
