‘अॅनिमल’ चित्रपटाने बॉक्स ऑफिसवर बक्कळ कमाई करत अनेक हिट चित्रपटांचा रेकॉर्ड ब्रेक केला. १ डिसेंबर २०२३ रोजी हा चित्रपट प्रदर्शित झाला तेव्हापासून या चित्रपटाची चर्चा ही सुरुच आहे. चित्रपटाच्या ट्रेलरने प्रेक्षकांची वाढवलेली उत्सुकता चित्रपटाने पूर्ण केली. या चित्रपटात रणबीर कपूर, रश्मिका मंदाना, बॉबी देओल, अनिल कपूर या कलाकाराच्या महत्त्वपूर्ण भूमिका विशेष ठरल्या. याशिवाय चित्रातील गाण्यांनी या चित्रपटाची उंची वाढविली असं म्हणायला हरकत नाही. (Animal Movie Success Party)
प्रेक्षकांनी ‘अॅनिमल’ चित्रपट पाहण्यासाठी फर्स्ट डे फर्स्ट शो हजेरी लावली. या सक्सेसफुल चित्रपटाची नुकतीच आलिशान अशी सक्सेस पार्टी झाली. ६ जानेवारीला मुंबई येथे चित्रपटाची सक्सेस पार्टी आयोजित करण्यात आली होती. या पार्टीला चित्रपटातील कलाकारांसह बॉलिवूड सेलिब्रिटींनी हजेरी लावलेली पाहायला मिळाली. या सक्सेस पार्टीमधील अनेक फोटो, व्हिडीओ सोशल मीडियावर तुफान व्हायरल झाले आहेत.
‘अॅनिमल’ चित्रपटाच्या सक्सेस पार्टीला बॉलीवूड कलाकारांची मांदियाळी पाहायला मिळाली. चित्रपटातील कलाकारांसह आलिया भट्ट, महेश भट्ट, नीतू कपूर, तमन्ना भाटिया, रितेश देशमुख, जिनिलिया देशमुख, रकुल प्रीत सिंह, विवेक ओबेरॉय यासह अनेक बॉलीवूडचे कलाकार उपस्थित होते. अभिनेत्री रश्मिका मंदाना हिने देखील तिच्या बोल्ड अँड ब्युटीफुल अशा काळ्या रंगाच्या बॉडीकॉन ड्रेसमध्ये हजेरी लावली होती. रश्मिका मंदानाच्या एंट्रीवेळी रणबीर कपूरने रश्मिकाला किस केलेल्या एका व्हिडीओची सध्या सर्वत्र चर्चा सुरु आहे.
रश्मिकाचं पार्टीत स्वागत करताना रणबीरने तिला मिठी मारत गालावर किस केलं आहे. हा किस करतानाचा व्हिडीओ सोशल मीडियावर चांगलाच व्हायरल झाला आहे. रणबीरने या सक्सेस पार्टीला आलिया भट्ट, नीतू कपूर यांच्यासह हजेरी लावलेली पाहायला मिळाली. यावेळी ही रणबीर व आलिया यांच्या हटके लूकने साऱ्यांच्या नजरा वळवल्या. रोमँटिक पोज देतानाच त्यांचे व्हिडीओ, फोटो चांगलेच व्हायरल होत आहेत.
