बॉलिवूड सिनेसृष्टीतील बरेच कलाकार एरपोर्टवर पापराजींच्या कॅमेऱ्यात कैद होताना दिसतात. ही कलाकार मंडळी कुठे जात आहेत, कोणाबरोबर आहेत याचे अपडेट ते नेहमीच देताना असतात. अशातच बॉलिवूडमधील एक लोकप्रिय कपल नुकतंच एअरपोर्टवर स्पॉट होताना दिसलं. हे कायम चर्चेत असणार लोकप्रिय कपल म्हणजे अभिनेत्री शिल्पा शेट्टी व अभिनेता राज कुंद्रा. शिल्पा व राज नेहमीच कोणत्या ना कोणत्या कारणामुळे चर्चेत असतात. (Shilpa Shetty Video)
बॉलिवूडमधील एक काळ शिल्पाने गाजवला आहे. सोशल मीडियावर ही शिल्पा प्रचंड सक्रिय असते. फिटनेसबाबतचे अनेक अपडेट ती तिच्या इन्स्टाग्राम अकाऊंटवरुन देताना दिसते. शिल्पाबरोबरचं तिचा पती राज कुंद्राही नेहमीच चर्चेत असतो. राज कुंद्रा याच्यावर काही दिवसांपूर्वी अत्यंत गंभीर आरोप झाले. इतकेच नाही तर थेट जेलमध्ये राहण्याची वेळ ही राज कुंद्रा याच्यावर आली. राज कुंद्रा याला थेट पाॅर्न किंग देखील म्हटले गेले. पाॅर्न प्रकरणात नाव आल्यापासून सतत राज कुंद्रा हा मास्क घालून बाहेर स्पाॅट झाला. त्यानंतर अभिनेत्यावरील गुन्हे पुसल्यानंतर त्याने मास्क वापरणं बंद केलं.
काही दिवसांपूर्वी शिल्पा व राज त्यांच्या कुटुंबियांसह परदेश दौरा करायला गेले होते. परदेश दौरा करुन परतल्यानंतर आता शिल्पा व राज कुंद्रा त्यांच्या मुलांसह एअरपोर्टवर स्पॉट झाले. यावेळी एका खास चाहत्याने राज कुंद्राची भेट घेतली. यावेळी त्या चाहत्याने राज कुंद्राला मिठीही मारली. त्यावर तेथील एका माणसाने राज यांच्या चाहत्याला ओढलं. हे पाहून शिल्पा शेट्टी भडकलेली दिसली. शिल्पा शेट्टीच्या त्या कृतीने साऱ्यांची मनं जिंकली आहेत.
आणखी वाचा – घटस्फोटानंतर ईशा करणार राजकारणात प्रवेश?, हेमा मालिनी म्हणाल्या, “आमचा तिला पाठिंबा…”
सोशल मीडियावर हा व्हिडीओ सध्या तुफान व्हायरल झालेला पाहायला मिळत आहे. हा व्हिडीओ पाहून अनेक नेटकऱ्यांनी अभिनेत्रीच्या त्या कृतीचं कौतुक केलेलं पाहायला मिळत आहे. शिल्पा तिच्या कुटुंबियांबरोबरचे अनेक फोटो, व्हिडीओ नेहमीच तिच्या इन्स्टाग्राम अकाऊंटवरुन शेअर करताना दिसते. यावेळी त्यांचं एकमेकांबरोबरचं बॉण्डिंग नेहमीच पाहायला मिळालं आहे.