सिनेमाविश्वात असे बरेच कलाकार आहेत जे त्यांच्या स्पष्ट वक्तेपणामुळे चर्चेत असतात. बरेचदा ही कलाकर मंडळी न पटणाऱ्या मुद्द्यांवर सडेतोड भाष्य केल्याने व पोस्ट शेअर केल्याने चर्चेत येतात. तर काही कलाकार मंडळी अशी आहेत जे त्याच्या वैयक्तिक आयुष्याबाबतचे अनेक अपडेटही सोशल मीडियावरुन पोस्ट करताना दिसतात. यापैकीच एक अभिनेता म्हणजे पुष्कर जोग. पुष्करने बरेचदा न पटणाऱ्या व विविध अंगी विषयावर भाष्य करत त्याचं मत मांडलं आहे. सोशल मीडियावर पुष्करचा बऱ्यापैकी वावर असलेला पाहायला मिळतो. सोशल मीडियाद्वारे तो नेहमीच काही ना काही ना काही पोस्ट करत चाहत्यांच्या संपर्कात राहतो. (Pushkar Jog Post)
अशातच पुष्करने त्याच्या इन्स्टाग्राम स्टोरीवरुन शेअर केलेल्या एका पोस्टने साऱ्यांचं लक्ष वेधलं आहे. पुष्करने ही पोस्ट शेअर केल्याने साऱ्यांच्या नजरा त्याच्या पोस्टकडे लागून राहिल्या आहेत. वैयक्तिक आयुष्यात आलेले चढ-उतार, आलेले अनुभव, झालेली फसवणूक यामुळे त्रस्त असलेल्या पुष्करने ही पोस्ट शेअर केली आहे. ही पोस्ट शेअर करत त्याने स्वतःच्या भावना व्यक्त केल्या आहेत. या सगळ्या प्रकारामुळे पुष्कर थोडासा मेंटली स्थिर नव्हता अशावेळी त्याने देवाचे दर्शनही घेतले.
पुष्करने शेअर केलेल्या पोस्टमध्ये, “सगळ्यांसाठी सगळं केलं, खरा वागलो. जेव्हा जेव्हा मेंटली खचतो तेव्हा तेव्हा मी आपले कोण कोण आहेत ते शोधतो. तर ते म्हणजे आई व मुलगी. नशीबवान आहेत सर्व ज्यांना खरे काळजी घेणारे मित्र आहेत. जिवंत असताना एकटाच राहीन बहुतेक. मी गेल्यावर कोणी कोणी यायचं त्याची लिस्ट मी देऊन जाईन. उगाचच किती वाईट वाटला याचा आव आणून येऊ नका. पण अजुन १२ वर्ष आहेत. राष्ट्रीय पुरस्कार, ऑस्कर माझ्या मराठी चित्रपटासाठी जिंकायचा आहे. Legend होऊनच जाईन. आई व फेलीशाला खूप प्रेम. ज्यांनी वेळोवेळी आपले खरे रंग दाखवले त्या सर्वांचे आभार”, त्याने असं म्हटलं आहे.
तर पुष्करने गोव्यातील मंगेशी मंदिरात दर्शन घेतानाचा फोटो पोस्ट केला आहे. या फोटोवर त्याने, “परमेश्वरा मी थकतोय. एकटा लढतोय. खूप वापरुन घेतात. खूप फसवतात. मी जो पर्यंत जिंकत नाही तो पर्यंत कायम लढत राहीन”, असं कॅप्शन देत स्वतःला प्रेरणा दिली आहे.
