Gauri Shankar Movie Trailer : प्रेम, अन्याय, बदला, शोध याची कुठेही कमतरता न भासू देणारा एक नवा कोरा चित्रपट रसिक प्रेक्षकांच्या भेटीला आला आहे. ऍक्शनपट अशा चित्रपटांची आता ही उणीव ‘गौरीशंकर’ हा मराठी चित्रपट भरुन काढणार आहे. या चित्रपटाचा धडाकेबाज ट्रेलर लाँच करण्यात आला असून, २८ फेब्रुवारी रोजी हा चित्रपट सर्वत्र प्रदर्शित होणार आहे. या चित्रपटामध्ये सगळे नवोदित कलाकार असणार असून तुम्हाला चित्रपटाद्वारे नवा अनुभव देणार आहेत. तसेच या चित्रपटात नवी प्रेम कथा देखील पाहायला मिळणार आहे. अशातच चित्रपटाच्या ट्रेलरने साऱ्यांच्या नजरा वळविल्या आहेत. भारदस्त अशा चित्रपटाच्या ट्रेलरने चित्रपटाची ही उत्सुकता वाढविली आहे.
अॅक्शनपॅक्ड आणि टाळीबाज संवाद असलेल्या ‘गौरीशंकर’ या चित्रपटाचा ट्रेलर लाँच वनमंत्री मा. श्री. गणेश नाईक यांच्या हस्ते नुकताच संपन्न झाला. अन्यायाच्या बदल्याची, शोधाची, थरारक, रंजक अशी कहाणी या चित्रपटातून पहायला मिळणार असून, २८ फेब्रुवारी रोजी हा चित्रपट चित्रपटगृहांमध्ये दाखल होणार आहे.
मुव्हीरुट प्रॉडक्सन्सची निर्मिती असलेल्या ‘गौरीशंकर’ या चित्रपटाची निर्मिती विशाल प्रदीप संपत यांनी केली आहे.
ऑरेंज प्रॉडक्शन्स चित्रपटाचे सहनिर्माता आहेत. चित्रपटाचे संकल्पना आणि दिग्दर्शन हरेकृष्ण गौडा यांचे आहे. चित्रपटात हरेकृष्ण गौडा, कविता वसानी दक्षिणा राठोड, राहुल जगताप, सुशील भोसले, संकेत कोळंबकर यांच्या प्रमुख भूमिका आहेत. प्रशांत आणि निशांत यांनी संगीत दिग्दर्शन, रोशन खडगी यांनी छायांकन, संकेत कोळंबकर यांनी गीतलेखन, अमित जावळकर यांनी संकलन, राशिद मेहता यांनी अॅक्शन, अमित चिंचघरकर यांनी कला दिग्दर्शन, मेकअप नितिन दांडेकर, धनश्री साळेकर यांनी वेशभूषेची जबाबदारी निभावली असून कार्यकारी निर्माता म्हणून सिद्धेश आयरे यांनी काम पाहिले आहे.
असं या चित्रपटाचं आशयसूत्र असल्याचं, कथानक न उलगडता अॅक्शनवर भर देण्यात आल्याचं ट्रेलरमधून समोर आलं आहे. त्याशिवाय उत्तम लोकेशन्सवरचे रोमँटिक प्रसंगही त्यात आहेत. त्यामुळे अत्यंत रांगडं व्यक्तिमत्त्व असलेल्या नायकाच्या आयुष्यात काय घडलं आहे, त्याचा शोध कशा पद्धतीनं घेतो याची उत्सुकता या ट्रेलरनं निर्माण केली आहे. उत्तम दर्जाचे अॅक्शन सिक्वेन्स या ट्रेलरमध्ये दिसतात. त्यामुळे दर्जेदार अॅक्शनपटाची मराठीतील उणीव भरुन निघण्याची मराठी प्रेक्षकांची अपेक्षा वाढली आहे. हा चित्रपट २८ फेब्रुवारी रोजी सर्वत्र प्रदर्शित होणार आहे.
