‘आई कुठे काय करते’ फेम अभिनेत्री रुपाली भोसलेच्या कुटुंबीयांवर दुःखाचा डोंगर कोसळला असल्याचे समोर आलं आहे. रुपालीच्या आजीचं वृद्धापकाळाने निधन झालं असल्याची बातमी तिने इन्स्टाग्राम अकाउंटवर पोस्ट शेअर करत दिली. रुपालीच्या आजी सुनंदा भोसले यांनी अखेरचा श्वास घेतला आहे. दरम्यान रुपालीने पोस्ट शेअर करत त्यांचे अंत्यसंस्कार व विधी हे त्यांच्या मूळ गावी खेड येथे होणार असल्याचे सांगितले आहे. संपूर्ण भोसले कुटुंब खूप दुःखात असल्याचे पाहायला मिळतंय. रुपालीने पोस्ट शेअर करताच कलाकार मंडळी व तिचे चाहते ही शोक व्यक्त करताना दिसत आहेत. तसेच तिच्या आजीला श्रद्धांजली वाहत आहेत. (Rupali Bhosle Grandmother Death)
आई-वडिलांबरोबरच आजी बरोबरचा बॉण्ड हा प्रत्येकाचा खूप खास असतो. काहींच्या आजी या त्यांच्याजवळ असतात तर काहींच्या गावाकडे असतात. आजीकडे गावी जात प्रत्येक जण हा खास बॉण्ड सावरताना दिसतो. रुपाली आणि तिच्या आजीचंही खूप खास बॉण्ड होतं. सोशल मीडियावर शेअर केलेल्या फोटोवरुन काही दिवसांपूर्वीच रुपालीने घेतलेल्या तिच्या नव्या घराच्या आनंदात तिची आजीही सहभागी झाली होती.
“आजी. भावपूर्ण श्रद्धांजली! आत्म्यास चिर:शांती लाभो, हिच ईश्वर चरणी प्रार्थना”, असं कॅप्शन देत रुपालीने तिच्या आजीबरोबरचे खास फोटो शेअर केले आहेत. रुपालीच्या या पोस्टनंतर अनेक कलाकार मंडळी तिला धीर देताना दिसत आहेत. अश्विनी महांगडे व गौरी कुलकर्णी या कलाकारांनी रुपालीच्या पोस्टवर कमेंट तिच्या आजीला श्रद्धांजली वाहिली आहे.
मराठी मनोरंजन सृष्टीतील लोकप्रिय अभिनेत्रींपैकी एक अभिनेत्री म्हणजे रुपाली भोसले. सध्या ‘आई कुठे काय करते’ या मालिकेतील अभिनयाने तिने प्रेक्षकांची मनं जिंकली. रुपाली सोशल मीडियावर बरीच सक्रिय असते. तिचा सोशल मीडियावर बराच मोठा चाहतावर्ग आहे. ती आयुष्यातील घडामोडीसंबंधीत फोटो, व्हिडीओ सोशल मीडियावर शेअर करत असते.
