aadesh and suchitra bandekar dance video : सध्या मराठी मनोरंजन विश्वात आदेश बांदेकर व सुचित्रा बांदेकर यांच्या लेकाची म्हणजेच सोहम बांदेकरच्या लग्नाची धामधूम पाहायला मिळत आहे. सोशल मिडियावर सोहम व पूजाची लगीनघाई पाहायला मिळाली. आज ही जोडी सात फेरे घेत लग्नबंधनात अडकणार आहे. काल पूजा व सोहम यांचा अगदी धुमधडाक्यात हळदी समारंभ पार पडला. त्यांच्या हळदीला कलाकार मंडळींची मांदियाळी पाहायला मिळाली. इतकंच नाहीतर पूजा व सोहमच्या संगीत सोहळ्याची धमाल-मस्तीही तुफान व्हायरल झाली. यावेळी सोहम व पूजाने सुंदर आणि धमाकेदार डान्स करत संगीत सोहळ्याची रंगत वाढविली. दोघांचा रोमँटिक अंदाज विशेष भावला.
संगीत सोहळ्यासाठी सोहम व पूजा यांनी ट्विनिंग केल्याचं पाहायला मिळालं. दोघांनी पांढऱ्या रंगातील इंडो-वेस्टर्न कपड्यांना प्राधान्य दिलं. आणि दोघेही या त्यांच्या लूकमध्ये खूप सुंदर दिसत होते. सोहम-पूजाच्या संगीत सोहळ्यात सर्वत्र चर्चा रंगली आहे ती म्हणजे आदेश बांदेकर व सुचित्रा बांदेकर यांच्या डान्सची. लेकाच्या संगीत सोहळ्यात आदेश व सुचित्रा थिरकले आणि दोघांनी साऱ्यांच्या नजरा वळविल्या. शाहरुख खानच्या गाण्यावर दोघांनी भन्नाट डान्स केला आणि साऱ्यांचं लक्ष वेधलं.
आणखी वाचा – सोहम बांदेकर पाठोपाठ आणखी एका मराठी अभिनेत्याची लगीनघाई, ग्रहमखचे फोटो व्हायरल, उत्सुकता वाढली
सोहमच्या संगीत सोहळ्यात आदेश व सुचित्रा “मेरे मेहबूब मेरे सनम…” या गणयावर थिरकले. शाहरुखच्या डुप्लिकेट सिनेमातील हे गाणं असून दोघांनी या गाण्यावर ठेका धरला. आदेश व सुचित्रा यांचा एकत्रित डान्स अनेकांच्या पसंतीस पडला. आणि दोघांना नाचताना पाहून अनेकांनी कमेंट करत त्यांचं कौतुक केलं. सोहम पूजाच्या संगीत सोहळ्यात आदेश-सुचित्रा त्यांच्या डान्समुळे भाव खाऊन गेले. तर इतरही कुटुंबीयांनी डान्स करत साऱ्यांचं मनोरंजन केलं.
आज २ डिसेंबरला सोहम व पूजा लग्नबंधनात अडकणार आहेत. सोहमचा लग्नसोहळा हा लोणावळा येथे पार पडणार आहे. आणि अनेक कलाकार मंडळी दोघांना आशीर्वाद द्यायला उपस्थित राहणार आहेत.
