Salman Khan Security : सलमान खानचे जवळचे मित्र आणि राष्ट्रवादीचे नेते बाबा सिद्दीकी यांच्या हत्येनंतर आता अभिनेत्याच्या सुरक्षेत वाढ करण्यात आली आहे. या हत्येने देशभरात खळबळ उडाली असून संपूर्ण बॉलिवूडमध्ये शोककळा पसरली आहे. आता सलमानच्या गॅलेक्सी अपार्टमेंटबाहेर कडेकोट सुरक्षा व्यवस्था तैनात करण्यात आली आहे. तसेच त्याच्या घराबाहेर बॅरिकेड्स लावण्यात आले आहेत. सलमानच्या घराबाहेर किंवा जवळ कोणतेही वाहन थांबू दिले जात नाही. याशिवाय सलमान खानचे वैयक्तिक सुरक्षा रक्षकही त्याच्या घराबाहेर तैनात आहेत. याशिवाय सलमानच्या घराबाहेर अतिरिक्त सुरक्षा दल तैनात करण्यात आले आहे. बाबा सिद्दीकीच्या हत्येचा संबंध गँगस्टर लॉरेन्स बिश्नोईशी जोडला जात आहे. दरम्यान, बाबा सिद्दीकी यांच्या हत्येची जबाबदारीही लॉरेन्स बिश्नोई टोळीने घेतली असल्याचं बोललं जात आहे.
सूत्रांनी दिलेल्या माहितीनुसार, लॉरेन्स बिश्नोईच्या एका कथित पोस्टमध्ये म्हटले आहे की, जो कोणी सलमानला मदत करतो, त्याने त्याच्या खात्यावर लक्ष ठेवले पाहिजे. कारण लॉरेन्स बिश्नोईचा सलमानशी जुना वाद सुरु आहे. अभिनेत्याला जीवे मारण्याची धमकीही दिली आहे. सलमानला लीलावती रुग्णालयात येण्यासही नकार देण्यात आला. मात्र तो मित्र बाबा सिद्दिकीच्या हत्येची बातमी मिळाल्यानंतर तो स्वत:ला रोखू शकला नाही. सलमान रात्री उशिरा अडीच वाजता रुग्णालयात पोहोचला. त्याच्याबरोबर कडेकोट सुरक्षारक्षक आणि रक्षक होते. रिपोर्ट्सनुसार, पोलिसांनी सलमानला आता हॉस्पिटलमध्ये न येण्यास सांगितले आहे आणि घरीच राहण्याचा सल्ला दिला आहे.
त्याचवेळी पोलिस सूत्रांनी आमच्या सहयोगी ईटीटाइम्सला सांगितले की, सलमानच्या सुरक्षेसाठी आवश्यक पावले उचलली जात आहेत. यापूर्वी बाबा सिद्दीकी सिद्दीकी यांना भेटल्यानंतर सलमान बाहेर आला तेव्हा तो खूपच अस्वस्थ दिसत होता. अशा परिस्थितीत अस्वस्थ दिसणे सामान्य असले तरी सलमानच्या चेहऱ्यावर तणाव स्पष्ट दिसत होता. सलमान काही काळापासून लॉरेन्स बिश्नोईच्या टार्गेट लिस्टमध्ये आहे. सलमानला आणि त्याच्या कुटुंबाला मिळणाऱ्या धमक्या आणि हल्ल्यांनंतर ४ जून रोजी सलमानने मुंबई पोलिसांना निवेदन दिले होते. दिलेल्या निवेदनात सलमान म्हणाला होता, “लॉरेन्स बिश्नोईने त्याच्या टोळीतील सदस्यांच्या मदतीने माझ्या घरावर गोळीबार केला जेव्हा माझे कुटुंबीय झोपले होते. मला आणि माझ्या कुटुंबीयांना मारण्याचा त्यांचा कट होता”.
आणखी वाचा – नवरात्रोत्सवात बंगाली स्टाईलने सई लोकूरने धरला ठेका, व्हिडीओ शेअर करत म्हणाली, “आयुष्यात पहिल्यांदा…”
बाबा सिद्दिकीच्या हत्येची बातमी मिळताच शिल्पा शेट्टी, राज कुंद्रा आणि संजय दत्तही लीलावती हॉस्पिटलमध्ये पोहोचले. बाबा सिद्दीकी केवळ राजकारणातच नाही तर बॉलिवूडमध्येही खूप प्रसिद्ध होते. त्यांच्या इफ्तार पार्ट्या खूप प्रसिद्ध होत्या, ज्यामध्ये फिल्मस्टार्सही जमले होते. बाबा सिद्दीकी यांनीच सलमान आणि शाहरुखमधील भांडण संपवले.
