Maharashtra State Marathi Film Award : राज्य शासनाच्या सांस्कृतिक कार्य विभागामार्फत दरवर्षी विविध पुरस्कार जाहीर करण्यात येतात. अशातच महाराष्ट्र शासनाच्या सांस्कृतिक कार्य विभागाच्या वतीने देण्यात येणारे पुरस्कार जाहीर झाले असून वरळीच्या डोम एसव्हीपी स्टेडियम येथे झालेल्या दिमाखदार सोहळ्यात या पुरस्कारांचे वितरण करण्यात आले. यात ज्येष्ठ अभिनेते शिवाजी साटम, ज्येष्ठ अभिनेत्री अशा पारेख यांना जीवनगौरव पुरस्कारानं सन्मानित करण्यात आलं. राज्य सरकारच्या वतीनं देण्यात येणाऱ्या ‘दिवंगत राज कपूर जीवन गौरव पुरस्कार’ने ज्येष्ठ अभिनेत्री अशा पारेख यांना गौरवण्यात आलं. त्यांना २०२३ चा पुरस्कार प्रदान करण्यात आला. याबरोबर ‘व्ही शांताराम जीवन गौरव पुरस्कार’ ज्येष्ठ अभिनेते शिवाजी साटम यांना प्रदान करण्यात आला. (Maharashtra State Marathi Film Awards)
या पुरस्कारांसोबतच इथं अन्य पुरस्कारदेखील देण्यात आले. यामध्ये २०२४ च्या गानसम्राज्ञी लता मंगेशकर पुरस्कारानं ज्येष्ठ गायिका अनुराधा पौडवाल यांना गौरवण्यात आलं. सोबतच २०२४चा चित्रपटांसाठीचा ‘राज्य सांस्कृतिक पुरस्कार’ ज्येष्ठ अभिनेत्री रोहिणी हट्टंगडी यांना प्रदान करण्यात आला. सांस्कृतिक विभागाच्या वतीनं कंठ संगीतातील भरीव कामगिरीसाठी दिल्या जाणाऱ्या पुरस्कारानं ज्येष्ठ गायक सुदेश भोसले यांना गौरवण्यात आलं. दिवंगत राज कपूर विशेष योगदान पुरस्कारानं ज्येष्ठ दिग्दर्शक, लेखक एन चंद्रा यांना गौरवण्यात आलं. तर, चित्रपती व्ही शांताराम विशेष योगदान या पुरस्कारानं लेखक, अभिनेता, दिग्दर्शक दिग्पाल लांजेकर यांना गौरवण्यात आलं.
तसेच यावेळी ५८ वे राज्य चित्रपट पुरस्कार यांचे वितरणही करण्यात आले ते पुरस्कार खालीलप्रमाणे :
सर्वोत्कृष्ट कथा : शंतनू रोडे (गोष्ट एका पैठणीची)
पटकथा : मकरंद माने, विठ्ठल काळे (बापल्योक)
उत्कृष्ट संवाद : शंतनू रोडे (गोष्ट एका पैठणीची)
उत्कृष्ट गीते : गुरु ठाकूर (बापल्योक)
उत्कृष्ट संगीत : राहुल देशपांडे (मी वसंतराव)
उत्कृष्ट पार्श्वसंगीत : विजय गवंडे (बापल्योक)
उत्कृष्ट पार्श्वगायक : राहुल देशपांडे (मी वसंतराव)
उत्कृष्ट पार्श्वगायिका : प्राची रेगे (गोदाकाठ)
उत्कृष्ट नृत्यदिग्दर्शक : सुजितकुमार (चोरीचा मामला)
उत्कृष्ट अभिनेता : राहुल देशपांडे (मी वसंतराव)
उत्कृष्ट अभिनेत्री : मृण्मयी गोडबोले (गोदाकाठ)
उत्कृष्ट विनोदी अभिनेता : जितेंद्र जोशी (चोरीचा मामला)
सहाय्यक अभिनेता : विठ्ठल काळे (बापल्योक)
सहाय्यक अभिनेत्री : प्रेमा साखरदांडे (फनरल)
प्रथम पदार्पण अभिनेता : ऋतुराज वानखेडे (जयंती)
उत्कृष्ट प्रथम पदार्पण अभिनेत्री : पल्लवी पालकर (फास)
५९ वे राज्य चित्रपट पुरस्कार खालीलप्रमाणे –
सर्वोत्कृष्ट कथा : मंगेश जोशी, अर्चना बोराडे (कारखानिंसांची वारी)
उत्कृष्ट पटकथा : रसिका आगासे (तिचं शहर होणं )
उत्कृष्ट संवाद : नितीन नंदन (बालभारती)
उत्कृष्ट गीते : जितेंद्र जोशी (गोदावरी)
उत्कृष्ट संगीत : अमित राज (झिम्मा)
उत्कृष्ट पार्श्वसंगीत : सारंग कुलकर्णी (कारखानीसांची वारी)
उत्कृष्ट पार्श्वगायक : राहुल देशपांडे (गोदावरी)
उत्कृष्ट पार्श्वगायिका : आनंदी जोशी (रंगिले फंटर)
उत्कृष्ट नृत्य दिग्दर्शक : फुलवा खामकर (लक डाऊन Be Positive)
उत्कृष्ट अभिनेता : जितेंद्र जोशी (गोदावरी)
उत्कृष्ट अभिनेत्री : सोनाली कुलकर्णी (तिचं शहर होणं)
उत्कृष्ट विनोदी अभिनेता : भालचंद्र कदम (पांडू)
सहाय्यक अभिनेता : अमेय वाघ (फ्रेम)
सहाय्यक अभिनेत्री : हेमांगी कवी (तिचं शहर होणं)
उत्कृष्ट प्रथम पदार्पण अभिनेता : योगेश खिल्लारे (इंटर नॅशनल फालमफोक)
उत्कृष्ट प्रथम पदार्पण अभिनेत्री : श्रुती उबाले (भ्रमणध्वनी)
उत्कृष्ट विनोदी अभिनेत्री : निर्मिती सावंत (झिम्मा)
