१९७५ मध्ये प्रदर्शित झालेल्या ‘जय संतोषी मां’ या सुपरहिट व रेकॉर्डब्रेक चित्रपटाचे निर्माते दादा सतराम रोहरा यांनी जगाचा निरोप घेतला आहे. १८ जुलै गुरुवार रोजी त्यांनी अखेरचा श्वास घेतला. वयाच्या ८५ व्या वर्षी त्यांचे निधन झाले. दादा सतराम रोहरा हे सिंधी समाजातील मोठे नाव होते. रेडिओ सिंधीने इन्स्टाग्रामवर सतराम रोहरा यांच्या निधनाची माहिती दिली. आजोबा सतराम रोहरा हेही गायक होते. त्यांनी अनेक हिट चित्रपटांची निर्मिती केली होती, ज्यात ‘जय संतोषी मां’ आणि ‘हाल ता भाजी हालूं’ सारख्या अनेक चित्रपटांचा समावेश आहे.
रेडिओ सिंधीने इंस्टाग्रामवर शेअर केलेल्या पोस्टमध्ये असे लिहिले आहे की, “प्रसिद्ध गायक व चित्रपट निर्माते दादा सतराम रोहरा यांचे १८ जुलै २०२४ रोजी निधन झाल्याचे कळवताना आम्हाला अतिशय दुःख होत आहे. त्यांच्या महान आत्म्याला शांती लाभो आणि या कठीण प्रसंगी त्यांच्या कुटुंबीयांना शक्ती देवो”.
यापुढे त्यांनी “ब्लॉकबस्टर सिंधी चित्रपट ‘हाल ता भाजी हालून’ आणि हिंदी चित्रपट ‘जय संतोषी मां’ची निर्मिती केली. महान गायिका लता मंगेशकर यांना सिंधी गाणे गाण्यासाठी ते एकमेव व्यक्ती आहेत. दादा सतराम रोहरा यांच्या निधनाने सिंधी समाजाची मोठी हानी झाली असून त्यांची पोकळी कोणीही भरून काढू शकत नाही” असं म्हटलं आहे.
आणखी वाचा – गुरुपौर्णिमानिमित्त प्रेक्षकांसाठी खास भेट, ‘श्री स्वामी समर्थ’ गाणं सर्वत्र प्रदर्शित
दरम्यान, १६ जून १९३९ रोजी सिंधी कुटुंबात जन्मलेल्या दादा सतराम रोहरा यांनी १९६६मध्ये ‘शेरा डाकू’ चित्रपटाद्वारे निर्मितीच्या क्षेत्रात प्रवेश केला. यानंतर त्यांनी ‘रॉकी मेरा नाम’, ‘घर की लाज’, ‘नवाब साहिब’ आणि ‘जय काली’ सारखे चित्रपट केले. यापैकी ‘जय संतोषी मा’ या चित्रपटाने अनेक विक्रम केले. हा सर्वाधिक कमाई करणारा चित्रपट होता. रिपोर्ट्सनुसार, ‘जय संतोषी मां’चे बजेट फक्त 5 लाख रुपये होते, पण त्यावेळी जवळपास 5 कोटी रुपये कमावले होते, जे आजच्या तुलनेत १०० पट जास्त आहे.
