‘सातव्या मुलीची सातवी मुलगी’ मालिकेच्या कालच्या भागात रुपाली नेत्राला काही जो ज्यूस देते. त्यामुळे तिच्या पोटात दुखू लागते. नेत्राला पोटात दुखत असल्यामुळे नेत्रा व अद्वैत डॉक्टरांकडे जायला निघतात. मात्र रुपालीला बघून ते मुद्दाम आईस्क्रीम आणायला जात असल्याचे नाटक करतात. जेणेकरून रुपालीला नेत्राच्या पोटात दुखत असल्याचे कळू नये.
त्यानंतर अद्वैत नेत्राला घेऊन डॉक्टरांकडे जायला निघतात. इकडे फाल्गुनी व केतकी काकू यांना नेत्राला नक्की काय झालं आहे तेच कळत नाही. त्या दोघीघडलेला प्रकार इंद्राणी व शेखरला सांगतात. यादरम्यान फाल्गुनी रुपालीने तिच्या बाळाबरोबर जे केलं, तेच नेत्राच्या बाळाबरोबर करणार नाही ना? अशी भीतीही निर्माण करते. यामुळे सगळेच घाबरतात आणि इंद्राणी सर्वांना नेत्राच्या बाळाला काही होणार नसल्याचा धीर देते.
आणखी वाचा – सासरे तितीक्षा तावडेची मालिका बघतात पण सासूबाई नाही कारण…; अभिनेत्री म्हणाली, “क्वचितच कधीतरी…”
इकडे डॉक्टर नेत्राला तपासतात आणि तिला काहीही झाले नसल्याचे सांगतात. मात्र दुसरीकडे रुपाली नेत्राला काहीतरी झाले असल्याचे विचार करते. त्यानंतर अद्वैत नेत्राला काही झाले नसल्याचे घरी फोन करून सांगतो आणि अखेर सर्वांचा जीव भांड्यात पडतो. नेत्रा व तिचे बाळ सुखरूप असल्याचे कळताच सर्वांना आनंद होतो. त्यानंतर नेत्राविषयी जाणून घेण्यासाठी रुपाली विचारपूस करायला येते.
मात्र सगळेजण रुपालीसमोर नेत्राला काहीच झाले नसल्याचे भासवून नाटक करतात. इतक्यात नेत्राही येते. तिला सुखरुप पाहून रुपालीला धक्काच बसतो. त्यानंतर इंद्राणी नेत्राला रुपालीपासून सावध राहण्याचा सल्ला देते. त्यामुळे आता रुपालीचा नेत्राच्या बाळाला मारण्याचा पहिला प्रयत्न अयशस्वी झाल्यानंतर पुढचा डाव काय असणार? नेत्रा तिला व तिच्या बाळाला विरोचकापासून कसं रोखणार हे आगामी भागांत पाहायला मिळणार आहे.
