‘वटपौर्णिमा’ हा हिंदू संस्कृतीतील एक महत्वाचा सण मानला जातो. या दिवशी महिलांनी वटवृक्षाची पूजा केल्यास नवऱ्याचे आयुष्य वाढते, असे मानले जाते. त्यामुळे सर्वसामान्य महिलांपासून ते कलाविश्वातील अभिनेत्रींपर्यंत जवळपास सगळ्याच जणी हा सण मोठ्या उत्साहाने साजरा करतात. यंदा मराठी सिनेसृष्टी व टेलिव्हिजनवरील अनेक जण विवाहबंधनात अडकले. त्यामुळे यावर्षी बऱ्या सेलिब्रेटींचा पहिला वटपौर्णिमेचा सण आहे. अनेक मराठी कलाकार आज पहिल्यांदाच त्यांची वटपौर्णिमा साजरी करणार आहेत.
ग्धा-प्रथमेश, गौतमी-स्वानंद, शिवानी-अजिंक्य, तितीक्षा-सिद्धार्थ आदी कलाकारांसह ‘टाईमपास’ फेम अभिनेता प्रथमेश परब हादेखील विवाहबंधनात अडकला. त्यामुळे प्रथमेश व त्याची पत्नी क्षितिजा यांच्यासाठीही यंदाचा वटपौर्णिमेचा सण विशेष असणार आहे. आजच्या या वटपौर्णिमेच्या खास सणानिमित्त प्रथमेशची बायको क्षितिजाने तिच्या माहेरी गेली असून बायकोसह अभिनेता प्रथमेश परबही त्याच्या सासरवाडीत गेला आहे. नुकताच क्षितिजाने तिच्या इन्स्टाग्राम अकाऊंटद्वारे पहिल्या वाटपौर्णिमेचा खास व्हिडीओ शेअर केला आहे.
क्षितिजाने हा खास व्हिडीओ शेअर करत असं म्हटलं आहे की, “प्रथमेश, फक्त सात जन्मासाठी नाही तर प्रत्येक जन्मासाठी तूच पाहिजे आहेस. वडाच्या झाडासारखे आपले नाते दीर्घायुषी असावे. जन्मोजन्मी फक्त तुझीच सोबत असावी”. तसेच तिने प्रथमेशला “वटपौर्णिमेच्या हार्दिक शुभेच्छा नवरोबा” असंही म्हटलं आहे. या व्हिडीओमध्ये क्षितिजाच्या गावची खास झलकही पाहायला मिळत आहे. आजच्या या खास क्षणासाठी तिने गुलाबी रंगाची साडी परिधान केली असल्याचे या फोटोमध्ये दिसत आहे. तसेच पूजेच्या ताटाचा खास फोटोही तिने शेअर केला आहे.
दरम्यान, २४ फेब्रुवारी रोजी प्रथमेश व क्षितिजा यांचा शाही विवाहसोहळा संपन्न झाला. अगदी थाटामाटात व पारंपरिक अंदाजात दोघांनी लग्नगाठ बांधलेली पाहायला मिळाली. दोघे त्यांच्यातील क्षणांचे व्हिडीओ सोशल मीडियावर शेअर करत असतात. अशातच प्रथमेश-क्षितिजा या दोघांनी त्यांच्या पहिल्या वटपौर्णिमेचे काही खास क्षण चाहत्यांबरोबर शेअर केले आहेत
