Yuvika Chaudhary Pregnancy : प्रिन्स नारुला आणि युविका चौधरी ही जोडी टेलिव्हिजन विश्वातील लोकप्रिय जोडींपैकी एक आहे. दोघांची प्रेमकथा चित्रपटाच्या कथेपेक्षा काही कमी नाही. प्रिन्स आणि युविका यांचे लग्न सहा वर्षांपूर्वी झाले आहे आणि लग्नाच्या सहा वर्षानंतर त्यांनी गोंडस अशा बाळाचे स्वागतही केले आहे. युविका आयव्हीएफच्या माध्यमातून आई बनली आहे. सध्या युविका तिचे आईपण एन्जॉय करताना दिसत आहे. दोघेही त्यांच्या बाळाला विशेष वेळ देताना दिसत आहेत. अशातच अलीकडेच युवकाने तिच्या गरोदरपणाच्या कठीण प्रवासाबद्दल सांगितले आहे. तसेच, तिने नैसर्गिकरित्या प्रिन्सबरोबर का गर्भधारणा करु शकली नाही याबाबत उघड केले आहे.
नयनदीप रक्षितला दिलेल्या मुलाखतीत युविकाने तिच्या गर्भधारणेच्या प्रवासाबद्दल भाष्य केले आहे. नैसर्गिकरित्या गर्भधारणा करण्यास सक्षम न होण्यामागील कारण तिने यावेळी बोलताना स्पष्ट केले आहे. त्यानंतर तिने आयव्हीएफच्या माध्यमातून आई होण्याचा निर्णय घेतला. नयनदीपशी बोलताना युविका म्हणाली की, आमच्या दोघांचे वेळापत्रक बरेच वेगळे होते. ओव्हुलेशन विंडो दरम्यान, आम्हा दोघांपैकी कोणी ना कोणी प्रवास करीत असायचो. जेव्हा आम्ही नैसर्गिकरित्या प्रयत्न केला, तेव्हाही तसे झाले नाही. मला वाटले की आम्हाला कोणाची तरी नजर लागली आहे.
युविका पुढे म्हणाली, “तिला आयव्हीएफबद्दल काहीच माहिती नव्हती. जेव्हा तिने अंडी गोठवण्याचा विचार केला तेव्हा त्याबाबत थोडीफार माहिती घेतली”. ती पुढे म्हणाली, “जेव्हा मी डॉक्टरकडे गेलो तेव्हा त्यांनी मला घाबरवले. ते म्हणाले की मी आई होऊ शकत नाही. हे ऐकून मी पूर्णतः कोसळले. मी अस्वस्थ होते आणि रागाच्या भरात प्रिन्सला सांगितले की आपण बाळाचा विचार करत आहोत”. युविका पुढे म्हणाली की, “जेव्हा आम्ही दुसर्‍या डॉक्टरकडे गेलो तेव्हा त्यांनी मला अंडी गोठवण्यास सांगितली. युविकाने त्याला सांगितले की हा तिचा प्रयत्न पहिला आणि शेवटचा असेल. या प्रक्रियेत बरीच इंजेक्शन आहेत. ज्यासाठी मी स्वत: ला तयार केले होते.
वयाच्या ४१ व्या वर्षी झाली आई
युविकाची आयव्हीएफ प्रक्रिया ट्रायमध्ये आधीच यशस्वी झाली होती. प्रिन्सने स्वतःचा अहवाल वाचला होता. अहवाल वाचल्यानंतर त्याने रडण्यास सुरु वात केली. हा त्यांच्या आयुष्यातील सर्वात आनंदी क्षण होता.
