सोनाक्षी सिन्हा व झहीर खान यांच्या लग्नाला एक आठवड्याहून अधिक काळ लोटला असून हे जोडपे त्यांच्या वैवाहिक जीवनात खूप आनंदी आहेत. मात्र, यादरम्यान अभिनेत्रीच्या भावाने पुन्हा एकदा या जोडप्याबद्दल केलेलं भाष्य चर्चेत आलं आहे. जेव्हापासून सोनाक्षी व झहीरचे लग्न झाले आहे, तेव्हापासून अशा बातम्या येत आहेत की, अभिनेत्रीचा भाऊ लव सिन्हा सोनाक्षी व झहीर यांच्या या नात्याबद्दल खूप नाराज आहे आणि जेव्हा त्याला याबद्दल विचारण्यात आले तेव्हा लवने काही दिवसांचा वेळ मागितला होता. (Luv Sinha On sonakshi sinha wedding)
आता, बहिणीच्या लग्नाच्या सात दिवसानंतर, त्याने सोशल मीडियावर दोन वेगवेगळ्या गोष्टी सांगत स्पष्टीकरण दिलं आहे. लवने अलीकडेच त्याच्या सोशल मीडियावर एक स्टोरी पोस्ट केली आहे आणि त्यात लिहिले आहे की, “मी यात सहभागी न होण्याचा निर्णय का घेतला? खोट्या आधारावर माझ्या विरोधात ऑनलाइन मोहीम चालवल्याने माझ्यासाठी माझे कुटुंब प्रथम येते हे सत्य बदलणार नाही”.
“With carefully curated news stories about his family business, nobody tread grey areas like the groom’s father’s proximity to a politician whose ED enquiries had vanished in the “washing machine”. Nor was there a whiff of the groom’s father’s stint in Dubai….”
— Luv S Sinha (@LuvSinha) June 30, 2024
या पोस्टनंतर चाहत्यांना असे वाटले की सिन्हा कुटुंबात सर्व काही ठीक आहे, परंतु काही दिवसांनंतर त्याने ट्विट करत याबाबतच स्पष्टीकरण दिलं. यावेळी त्याने असं म्हटलं की, “बातमीसाठी त्याच्या फॅमिली बिझनेसची एक गोष्ट लिहिली गेली, ज्यामुळे त्यांच्या काळ्या बाजूकडे कुणाचंही लक्ष जाणार नाही. जसे की वराच्या वडिलांची राजकारण्यांशी जवळीक, ज्यांची ईडी चौकशी ‘वॉशिंग मशीन’ मध्ये गायब झाली. तसेच वराचे वडील दुबईत राहतात याचीही कुणाला कल्पना नव्हती”.
The reasons are very clear as to why I didn’t attend, and would not associate with some people no matter what. I’m glad a member of the media did their research instead of relying on creative stories being put out by a PR team.
— Luv S Sinha (@LuvSinha) July 1, 2024
या ट्विटनंतर दुसऱ्या दिवशी दुपारी त्याने पुन्हा ट्विट केले, ज्यामध्ये त्याने असं म्हटलं आहे की,”मी यात का अडकलो नाही याची कारणे अगदी स्पष्ट आहेत आणि काहीही झाले तरी मी काही या लोकांशी संबंध ठेवणार नाही. मला आनंद आहे की माध्यमातील काही लोकांनी पीआर टीमने पसरवलेल्या काल्पनिक गोष्टींवर अवलंबून न राहता संशोधन केले”.