मनोरंजन विश्वातला सर्वात लोकप्रिय व वादग्रस्त शो म्हणून बिग बॉसचे नाव घेतले जाते. टीव्हीवरील हा लो लोकप्रिय शो ओटीटीद्वारेही प्रेक्षकांचे मनोरंजन करतो. अशातच या लोकप्रिय रिॲलिटी शो ‘बिग बॉस ओटीटी’चा तिसरा सीझन सुरू होणार आहे. यावेळी सलमान खान नाही तर ‘झक्कास अभिनेता’ अनिल कपूर शो होस्ट करणार आहे. येत्या शुक्रवार, २१ जूनपासून या शोचे जिओ सिनेमावर स्ट्रीमिंग सुरु होणार आहे.
याआधी ‘बिग बॉस ओटीटी १’ करण जोहर तर, ‘बिग बॉस ओटीटी २’ सलमान खानने होस्ट केला होता. त्यानंतर आता ‘बिग बॉस ओटीटी ३’ अभिनेता अनिल कपूर होस्ट करणार आहे. ‘टाइम्स नाऊ/टेली टॉक इंडिया’च्या वृत्तानुसार ‘बिग बॉस ओटीटी ३’च्या घरामध्ये अनेक टीव्हीवरील कलाकारांसह काही युट्युबर्सचाही घरात प्रवेश होणार आहे. जाणून घ्या, या घरात कोणते स्पर्धक सहभागी होणार आहेत.
अंजुम फकीह : या अभिनेत्रीने ‘एक था राजा एक थी रानी’ आणि ‘कुंडली भाग्य’ या मालिकांमधून प्रेक्षकांचे मनोरंजन केलं आहे. या मालिकांतील भूमिकांसाठी अंजु, फकीह खूपच प्रसिद्ध आहे. तिने साकारलेल्‌या अनेक भूमिकांनी या अभिनेत्रीने प्रेक्षकांच्या मनात घर केलं आहे. अशातच आता ती ‘बिग बॉस ओटीटी ३’द्वारे प्रेक्षकांचे मनोरंजन करायला सज्ज झाली आहे.
सोनम खान : सोनम ही एक मॉडल आहे जी बॉलीवूड आणि तेलुगु सिनेमांमध्ये तिच्या कामासाठी ओळखली जाते. ती ज्येष्ठ अभिनेते मुराद यांची नात आहे. तिने गोविंदा, चंकी पांडे, ऋषी कपूर, मिथुन चक्रवर्ती, चिरंजीवी, जॅकी श्रॉफ, संजय दत्त, राज बब्बर, प्रोसेनजीत चॅटर्जी आणि नसीरुद्दीन शाह या अभिनेत्यांबरोबर अभिनय केला आहे. ती १९८७ ते १९९४ पर्यंत जवळपास ३५ हून अधिक चित्रपटांमधून अभिनय केला आहे. अशातच आता ती ‘बिग बॉस ओटीटी ३’मधून अभिनेत्री जवळपास ४ दशकांनंतर टीव्हीवर येत आहे.
सना मकबुल : सना मकबुल खान टीव्ही इंडस्ट्रीचा एक भाग आहे आणि तिने तेलुगू चित्रपटांमध्येही काम केले आहे. ‘विश’मधील डॉ. आलिया सन्याल या भूमिकेसाठी ती अधिक ओळखली जाते. तिने २०१४ मध्ये ‘डिक्कुठु चुडाकू रामय्या’ या तेलुगू चित्रपटातून चित्रपटसृष्टीत पदार्पण केले होते. तिने ‘खतरों के खिलाडी ११’ मध्येदेखील भाग घेतला होता. यात ती ७व्या स्थानावर होती.
सना सुलतान : सना सुलतान ही एक अभिनेत्री आहे जी मुख्यतः तिच्या सुपरहिट संगीत व्हिडिओसाठी ओळखली जाते, ज्यात Sharry’s Dilwale, Kaka’s गुस्ताखी, बी प्राकचे रुहेदारियां आणि जेंझी बी आणि Milind Gaba’s Couple अशा अनेक गाण्यांचा समावेश आहे.
वडापाव गर्ल उर्फ चंद्रिका गेरा दीक्षित : फूड व्लॉगर अमित जिंदालने सोशल मीडियावर तिचा एक व्हिडिओ शेअर केल्यावर चंद्रिका दीक्षित चर्चेत आली. व्हिडिओने वडा पाव बनवण्याचे आणि विकण्याचे त्याचे कौशल्य दाखवले, ज्याने इंटरनेटवर खाद्यप्रेमींचे लक्ष वेधून घेतले. सोशल मीडियाच्या सामर्थ्याने त्याला प्रसिद्धीच्या झोतात आणले, ज्यामुळे त्याचे जीवन आणि व्यवसाय बदलला. यानंतर ती आता बिग बॉस ओटीटी ३मध्ये सहभागी होणार आहे.
मॅक्सटर्न उर्फ सागर ठाकूर : मॅक्सटर्नचे खरे नाव सागर ठाकूर असून तो यूट्यूबर आहे. बिग बॉस ओटीटी २’चा विजेता एल्विश यादव आणि त्याच्या ग्रुपच्या मारहाणीच्या घटनेनंतर तो प्रसिद्धीच्या झोतात आला. यानंतर यानंतर हे दोघे एकत्रही आले. अनेकांनी हे अनुमान लावले की, हा एक स्टंट आहे. या वादानंतर अवघ्या तीन दिवसांनी मॅक्सटर्न ए‌ल्विशच्या म्युझिक व्हिडिओमध्येही दिसला. अशातच आता तो बिग बॉस ओटीटी ३ मध्ये येत आहे.
डॉली चायवाला : डॉली चायवाल्याने त्याच्या अनोख्या चहा विकण्याच्या शैलीने इंटरनेटवर धुमाकूळ घातला आहे. नागपूरच्या जुन्या व्हीसीए स्टेडियमजवळ रस्त्याच्या कडेला असलेला त्याचा चहाचा स्टॉल सोशल मीडियावर चर्चेचा विषय ठरला आहे. डॉली चायवाल्याची दखल बिल गेट्सनेदेखील घेतली आहे.
आणखी वाचा – मेष, वृषभ व सिंह राशीच्या लोकांसाठी बुधवारचा दिवस धनलाभाचा, व्यवसाय व नोकरीत होणार बरकत, जाणून घ्या…
साई केतन राव : साई केतन् हाअ एक टीव्ही अभिनेता आहे. त्याने टीव्हीवर अनेक मालिकांमधून काम केले आहे. तो नुकताच ‘इम्ली’ मालिकेमध्ये दिसला होता, यात त्याने अगस्त्याची भूमिका साकारताली होती. अभिनेता ‘मेहंदी है रचने वाली’ मालिकेमधील राघवच्या भूमिकेमुळे हा चांगलाच लोकप्रिय झाला. या मालिकेमुळे तो प्रसिद्धीझोतात आला.
