छोट्या पडद्यावरील ‘तुझ्यात जीव रंगला’ या लोकप्रिय मालिकेतून घराघरांत पोहोचलेली सर्वांची आवडती अभिनेत्री म्हणजे अक्षया देवधर. या मालिकेत तिने अंजली पाठक ही भूमिका साकारत प्रेक्षकांचे भरभरून मनोरंजन केले. या लोकप्रिय मालिकेतून अभिनेता हार्दिक जोशी आणि अभिनेत्री अक्षया देवधर यांची जोडी मराठी मनोरंजन विश्वात प्रचंड लोकप्रिय झाली. अनेक वर्ष एकमेकांना डेट केल्यावर हे पडद्यावरचे सहकलाकार खऱ्या आयुष्यातही लग्नबंधनात अडकले. अक्षया-हार्दिक ही जोडी सोशल मीडियावर चांगलीच सक्रिय असते. सोशल मीडियावर आपले अनेक फोटो व व्हिडीओ शेअर करत ते चाहत्यांच्या संपर्कात राहतात. त्यांच्या या फोटो व व व्हिडीओला चाहत्यांकडूनही चांगलाच प्रतिसाद मिळताना दिसून येतो. अशातच अक्षयाने एक खास पोस्ट शेअर केली आहे.
अक्षयाने तिच्या इन्स्टाग्राम अकाऊंटवर एक खास व्हिडीओ शेअर केला आहे, ज्यामधून तिने तिच्या नवीन प्रवासाला सुरुवात करत असल्याचे म्हटले आहे. अक्षयाने तिच्या इन्स्टाग्राम अकाऊंटद्वारे एक व्हिडीओ शेअर केला आहे, ज्यामध्ये तिने असं म्हटलं आहे की, “प्रत्येकाची स्वप्नं असतात… तसच माझही अनेक स्वप्नांमधलं हे एक मोठ्ठं स्वप्न होतं. ते लवकरच पूर्णत्वास येत आहे. ते स्वप्न काय आहे? कुठे आहे? कधी आहे…? सर्व सांगते ‘३१ जुलै २०२४’ला. या नवीन प्रवासाला सुरुवात करत आहे. त्यामुळे तुमची साथ कायम असेल याची खात्री आहे”.
आणखी वाचा – आधुनिकतेला पारंपरिकतेचा साज, अगदी प्रशस्त आणि भव्य आहे ‘बिग बॉस मराठी’चं नवीन घर, पाहा संपूर्ण Video
अक्षयाने शेअर केलेल्या व्हिडीओमध्ये तिने “मी खूप उत्सुक आहे, पण त्याचबरोबर भीती वाटत आहे” असं म्हटलं आहे. तसेच तिने “स्वप्नपपूर्तीचा आनंद आहे, त्यामुळे छानही वाटत असल्याचे या व्हिडीओमध्ये म्हटलं आहे. तसेच “आमचं ठरलंय” असंही तिने या व्हिडीओमध्ये म्हटलं आहे. त्यामुळे अक्षयाचा हा नवीन प्रवास नेमका काय आहे यासाठी ३१ जुलैची वाट पाहावी लागणार आहे.
तिने शेअर केलेल्या व्हिडीओमध्ये काहीतरी नवीन बांधकाम सुरु असल्याचे पाहायला मिळत आहे. त्यामुळे अक्षयाने नवीन घर घेतलं का? की ती काही वेगळं करत आहे. यासाठी ३१ जुलैपर्यंतचे वाट पाहावी लागणार आहे. दरम्यान, अक्षयाने शेअर केलेल्या या व्हिडीओला चाहत्यांनी लाईक्स् व कमेंट्स करत तूफान प्रतिसाद दिला आहे. तसेच अनेकांनी या व्हिडीओखाली तिला शुभेच्छा दिल्या असून या नवीन सुरुवातीसाठी उत्सुक असल्याचेही म्हटलं आहे.
