‘झी मराठी’वरील ‘तुला शिकवीन चांगलाच धडा’ ही मालिका काही लोकप्रिय मालिकांपैकी एक आहे. मालिकेतील नवनवीन ट्विस्ट्स चाहत्यांचे लक्ष वेधून घेत आहेत. अशातच या मालिकेतील नव्या ट्विस्टची सध्या सर्वत्र चर्चा सुरू आहे. मालिकेतील कलाकारांच्या उत्तम अभिनयामुळे कलाकारांनी प्रेक्षकांच्या मनात घर केलं आहे. अक्षरा-अधिपतीच्या जोडीला प्रेक्षकांनी अल्पावधीतच भरभरून प्रतिसाद दिला. त्यामुळे येणाऱ्या प्रत्येक भागात नवीन काय पाहायला मिळणार? याबद्दल प्रेक्षकांच्या मनात उत्सुकता निर्माण झालेली असते.
अशातच या मालिकेचा एक नवीन व्हिडीओ सोशल मीडियावर शेअर करण्यात आला आहे. ज्यात भुवनेश्वरी अधिपतीला तिच्या बाजूने वळवून घेण्यासाठी त्यांची मनधरणी करताना दिसत आहे. यात भुवनेश्वरी अधिपतीला समजावत असं म्हणते की, “आम्ही आमच्या सूनबाईंच्या नवऱ्याला काही बोलू शकत नाही, कारण त्यांचा त्यांच्या नवऱ्यावर (अधिपती)वर हक्कच आहे. पण आमचा लेक जर चुकीच्या वाटेला जात असेल तर आम्ही ते होऊ देणार नाही.”
व्हिडीओमध्ये पुढे ती असं म्हणते की, “तुमचं नवरा-बायकोचं एक वेगळं जग आहे आणि आपल्या आई-मुलाचं एक वेगळं नातं आहे. एवढं लक्षात ठेवा.” यापुढे अधिपतीही आईला “बस्स आईसाहेब तुम्ही हे इतकं बोललात तेच माझ्यासाठी खूप आहे. तुमच्या या बोलण्याने माझ्या मनावरचं ओझं कमी झालं आहे.”
नुकत्याच झालेल्या व्हॅलेंटाईन डे स्पेशल भागात अधिपतीने बायकोला व्हॅलेंटाईन निमित्त खास सरप्राइज दिलं होतं. पण अक्षराने ते सरप्राइज नाकारत तिथून निघून गेली होती. त्यांच्या या व्हिडीओवर नेटकऱ्यांनी अनेक प्रतिक्रियांद्वारे प्रतिसाद दिला होता. अशातच या व्हिडीओवरही नेटकऱ्यांनी अधिपतीला त्याच्या आईची खरी बाजू आणि पत्नीची खरी किंमत कधी कळणार? असे प्रश्न उपस्थित केले आहेत.
दरम्यान, मालिकेचे कथानक प्रेक्षकांचे मन वळवून घेण्यात यशस्वी होत आहेत. त्यामुळे मालिकेला प्रेक्षकांकडून तूफान प्रतिसाद मिळत आहे. अशातच आता मालिकेत yenaryया या नवीन ट्विस्टमुळे आता पुढे नवीन काय पाहायला मिळणार? याविषयी प्रेक्षकांना उत्सुकता लागून राहिली आहे.
