Bhushan Pradhan New Work : मराठी सिनेसृष्टीत नेहमीच वेगळं कथानक प्रेक्षकांसमोर आणणारे चित्रपट येत असतात. आणि या आशयघन कथांच्या यादीत आता आणखी एका चित्रपटाचं नाव जोडले जाणार आहे. ‘तू माझा किनारा’, असे या चित्रपटाचे नाव आहे. विशेष म्हणजे या चित्रपटात मराठी सिनेसृष्टीत आपल्या दमदार अभिनयाने वेगळं स्थान निर्माण केलेला भूषण प्रधान आणि तेलुगू, मल्याळम, हिंदी तसेच मराठी चित्रपटांमधून बहुआयामी भूमिका साकारत प्रेक्षकांची मनं जिंकणारी केतकी नारायण आता प्रथमच एकत्र झळकणार आहेत. ही जोडी मराठी सिनेसृष्टीत पहिल्यांदाच एकत्र दिसणार आहे.
काही दिवसांपूर्वी सोशल मीडियावर या दोघांच्या एकत्र फोटोशूटने साऱ्यांचं लक्ष वेधलं. त्यामुळं प्रेक्षकांमध्ये कुतूहल आणि थोडा गोंधळ निर्माण झाला होता. अनेकांना ते दोघं खऱ्या आयुष्यात एकत्र असल्याचं वाटलं. मात्र आता ‘तू माझा किनारा’च्या पोस्टर रिलीजमुळे या रहस्याचा उलगडा झाला आहे. तो फोटोशूट प्रत्यक्षात या चित्रपटाच्या प्रमोशनचा भाग होता.
आणखी वाचा – “ही मुलगी पुन्हा सेटवर दिसायला नको…”, जुई गडकरीला मालिकेतून दाखवलेला बाहेरच रस्ता, म्हणाली…
‘घरत गणपती’, ‘ऊन सावली’, ‘लग्न कल्लोळ’, ‘जुनं फर्निचर’ यांसारख्या चित्रपटांतून भूषण प्रधानने आपली वेगळी छाप सोडलेली आहे. तर केतकीने ‘युथ’, ‘उदाहरनार्थ नेमाडे’ असे मराठी चित्रपट, ‘अंडरवर्ल्ड’ आणि ‘विचित्रम’ असे मल्याळम चित्रपट, ‘फादर चिट्टी उमा कार्तिक’ तेलुगू चित्रपट आणि ‘८३’ सारखा हिंदी चित्रपट गाजवला आहे. तसेच तिने अनेक म्युझिक व्हिडीओ, शॉर्ट फिल्म्स आणि वेब सीरिजमधूनही प्रेक्षकांची मनं जिंकली आहेत.
आणखी वाचा – जानकीने ऐश्वर्याला धक्के मारत बाहेर काढलं आणि…; पलटवार की नवा डाव?, ‘घरोघरी…’ मालिकेत मोठा ट्विस्ट
चित्रपटाचं कथानक नेमकं काय आहे, हे अजून गूढच ठेवण्यात आलं आहे. पण इतकं नक्की हा सिनेमा प्रेक्षकांच्या भावनांना स्पर्श करणारा असून, साध्या वाटणाऱ्या आयुष्यातील असाधारण प्रश्न समोर आणणार आहे. ‘तू माझा किनारा’ फक्त पडद्यावर घडणारी कथा नाही, तर प्रत्येक प्रेक्षकाच्या मनात कुठेतरी उमटणारा आरसा आहे. भूषण आणि केतकीची ही अनोखी जोडी नक्की कोणत्या रूपात दिसणार? त्यांच्या व्यक्तिरेखांमध्ये कोणते संघर्ष, कोणते शोध लपले आहेत? या प्रश्नांची उत्तरं मिळणार आहेत ३१ ऑक्टोबर रोजी प्रदर्शित होणाऱ्या ‘तू माझा किनारा’ मध्ये. हा चित्रपट प्रेक्षकांना एक वेगळा आणि संस्मरणीय अनुभव देईल, एवढं मात्र निश्चित.
