Mugdha Vaishampayan and Prathamesh Laghate : ‘आमचं ठरलं’ म्हणत सोशल मीडियावरुन प्रेमाची कबुली देत गायिका मुग्धा वैशंपायन व गायक प्रथमेश लघाटे यांनी त्यांच्या नात्याची जाहीर कबुली दिली. त्यानंतर ही जोडी विशेष चर्चेत आली. मुग्धा व प्रथमेश यांनी अत्यंत पारंपरिक अंदाजात त्यांचा लग्नसोहळा उरकला. मुग्धा-प्रथमेशच्या लग्नाच्या फोटो, व्हिडीओनेही सोशल मीडियावर अक्षरशः धुमाकूळ घातलेला पाहायला मिळाला. मुग्धा व प्रथमेश यांचा लग्नानंतर सुखाचा संसार सुरु असलेला पाहायला मिळत आहे.
मुग्धा व प्रथमेश दोघेही लग्नानंतरचे त्यांचे दिवस एन्जॉय करताना दिसत आहेत. लग्नानंतर दोघेही प्रथमेशच्या गावच्या घरी दत्तजयंती निमित्त कार्यक्रम करताना दिसले. यावेळी दोघेही लग्नानंतर पहिल्यांदा एकत्र गायले होते. त्यानंतर दोघंही त्यांच्या कामाला लागले आहेत. मुग्धा व प्रथमेश गायनाचे अनेक कार्यक्रम करत असतात. बरेचदा ही जोडी एकत्र गायनाचे कार्यक्रम करताना दिसते तर काही वेळा दोघेही वेगवेगळया कार्यक्रमांना हजेरी लावताना दिसतात.
सध्या मुग्धा गायनाच्या कार्यक्रमासाठी अंदमान येथे गेली आहे. दरम्यान मुग्धा अंदमान येथील अनेक व्हिडीओ तिच्या इन्स्टाग्राम अकाउंटवरुन शेअर करत आहे. अशातच मुग्धाने शेअर केलेल्या एका स्टोरीने साऱ्यांचं लक्ष वेधून घेतलं आहे. मुग्धाने शेअर केलेल्या या स्टोरीमध्ये प्रथमेशला ती मिस करत असल्याचं तिने म्हटलं आहे. याचबरोबर तळटीप म्हणून “मला माहित आहे हे मिसिंग प्रकरण जरा जास्त होत आहे असं तुम्हा सगळ्यांना वाटेल पण काय करणार” असं म्हणत तिने प्रथमेशला मिस करत असल्याचं म्हटलं आहे.
मुग्धा व प्रथमेश गेले काही दिवस कामानिमित्त वेगवेगळे आहेत. गायनाच्या कार्यक्रमांमुळे दोघांनाही वेगवेगळ्या ठिकाणी जावं लागत आहे. अशातच दोघंही एकमेकांना मिस करत असल्याचं त्यांच्या सोशल मीडियावरुन स्टोरी पोस्ट करत सांगताना दिसत आहेत. यावरुनच हे मिसिंग प्रकरण जास्त होत आहे पण काय करणार असं म्हणत पुन्हा एकदा मुग्धाने तिच्या इन्स्टाग्राम स्टोरीवरुन नवऱ्याला मिस करत असल्याची पोस्ट शेअर केली आहे.
