मराठी मनोरंजन सृष्टीत असे अनेक कलाकार आहेत ज्यांनी अभिनयासोबतच त्यांच्या इतर कामाची आवडही जोपासली. अभिनय क्षेत्रात येण्याआधी असे अनेक कलाकार आहेत जे वेगळ्या क्षेत्रात काम करत होते. मात्र त्यांना अभिनयाची आवड काही शांत बसू देत नव्हती त्यामुळे अनेकांनी अभिनय क्षेत्राकडे कायमची पावले वळविली. यांत एका मराठमोळ्या अभिनेत्रींच्या नावाची भर झाली आहे. ही मराठमोळी अभिनेत्री म्हणजे ‘सातव्या मुलीची सातवी मुलगी’ मालिकेतील तितिक्षा तावडे. (Titeeksha Tawde shared Memory)
‘सातव्या मुलीची सातवी मुलगी’ या मालिकेतून अभिनेत्री तितिक्षा तावडे घराघरांत पोहोचली. तितिक्षाने अल्पावधीतच प्रेक्षकांच्या मनावर आपलं नाव कोरलं. तितिक्षा अभिनयाबरोबरच सोशल मीडियावरूनही चाहत्यांच्या संपर्कात राहत असते. चाहत्यांबरोबर ती नेहमीच काही ना काही हटके शेअर करून संपर्कात राहत असते. अशातच अभिनेत्रीने शेअर केलेल्या एका पोस्टने साऱ्यांचं लक्ष वेधून घेतलं आहे. जुना फोटो शेअर करत तितिक्षाने साऱ्यांचं लक्ष वेधून घेतलं आहे.
तितीक्षाने नुकताच तिचा एक जुना फोटो इन्स्टाग्राम अकाऊंटवरून शेअर केला आहे. तिच्या या फोटोची सगळीकडे चर्चा रंगलेली पाहायला मिळतेय. तितिक्षाने शेअर केलेल्या फोटोसह तिने दिलेल्या कॅप्शनने साऱ्यांचं लक्ष वेधून घेतलं आहे. फोटोबरोबर तिने “माझा एक जुना फोटो दाखवू” असं म्हटलं आहे. तितीक्षाचा हा पहिल्या नोकरीचा फोटो आहे. मॅकडोनॉल्ड मध्ये तितीक्षाने पहिली नोकरी केली होती, याची माहिती तिनं फोटो शेअर करत दिली आहे. ‘माझा पहिला जॉब मॅकडोनॉल्ड मध्ये’ असं म्हणत तिने हा फोटो शेअर केला आहे.
तितिक्षाने शेअर केलेल्या या फोटोमध्ये तिला ओळखणं कठीण झालं आहे. यात तिचा लूक पूर्णतः वेगळाच दिसत आहे. आता तितिक्षाने स्वतःमध्ये बरंच ट्रान्सफार्मेशन केलेलं दिसतंय. तितिक्षाच्या या फोटोवर अनेकांनी कमेंट करत तीच कौतुक केलं आहे. तितिक्षाच्या या फोटोवर अनेकांनी कमेंट केल्या आहेत. तितिक्षाची बहीण अभिनेत्री खुशबू तावडेने म्हटलं आहे की , ‘आव माय क्युट बर्गर’. तर आणखी एका चाहत्याने म्हटलं आहे की, ‘खरंच ही तू आहेस. अजिबात विश्वात बसतं नाहीये. किती बदल झाला आहे…पण गोड आहेस.’
