Ridhi Dogra reaction Raqesh Bapat Bigg Boss Marathi 6 : ‘बिग बॉस मराठी’ सिझन ६ सध्या जोरदार गाजतंय. यंदाच्या पर्वातील सगळेच स्पर्धक एकमेकांना वरचढ ठरत आहेत. यंदाच्या पर्वात अभिनेता राकेश बापट देखील धुमाकूळ घालताना दिसत आहे. यापूर्वी ‘नवरी मिळे हिटलर’ला मालिकेतील भूमिकेमुळे राकेशला विशेष लोकप्रियता मिळाली. यानंतर आता राकेश ‘बिग बॉस’मराठीच्या घरात धुमाकूळ घालत आहे. त्याच्या खेळाचे चाहत्यांकडून भरभरुन कौतुक केलं जात आहे. अशातच आता राकेशला त्याच्या पूर्वाश्रमीच्या पत्नीकडूनही पाठिंबा मिळत आहे. राकेशची पूर्वाश्रमीची पत्नी आणि अभिनेत्री रिधी डोग्राला नुकतंच इन्स्टाग्रामवरील ‘आस्क मी एनिथिंग’ सेशनदरम्यान त्याच्याविषयी प्रश्न विचारण्यात आला. त्यावर तिने दिलेली प्रतिक्रिया चर्चेत आली आहे.
घटस्फोटानंतरही राकेश आणि रिधी यांच्यात मैत्रीपूर्ण नातं आहे. याच मैत्रीखातर तिने राकेशला कायम पाठिंबा देणार असल्याचं म्हटलं. सध्या रिद्धीचा हा व्हिडीओ सोशल मीडियावर तुफान व्हायरल होताना दिसत आहे. राकेशच्या समर्थनार्थ असं म्हटलं की, “मला राकेशचा खूप अभिमान आहे. तो जबरदस्त परफॉर्म करतोय. आम्हाला आणि मला त्याची खूप काळजी वाटत होती की, अरे देवा.. तू पुन्हा बिग बॉसच्या घरात जात आहेस. पण यावेळी तो खूप छान कामगिरी करतोय. तो जसा आहे तसाच तिथे वागतोय”.
आणखी वाचा – लेकाला ट्युमर, मोठी शस्त्रक्रिया आणि…; जॉनी लिव्हरच्या लेकाची होती वाईट अवस्था, लेकीने केला खुलासा
पुढे तिने म्हटलं, “आम्हाला जो राकेश माहीत आहे, तोच तिथे दिसतोय. मला खूप आनंद आहे की तो स्वत:च्या नियमांनुसार खेळ खेळतोय. राकेशला माझ्याकडून शुभेच्छा आहेतच, पण यावेळी त्याला अशा वेगळ्या पाठिंब्याची विशेष गरज वाटत नाही. तरीसुद्धा मी नेहमीच त्याच्यासाठी चिअर करत राहीन,” अशा शब्दांत रिधी व्यक्त झाली.
राकेश आणि रिधी यांनी २०१९ मध्ये लग्न केलं होतं. लग्नाच्या सात वर्षांनंतर त्यांनी विभक्त होण्याचा निर्णय घेतला होता. एका मालिकेदरम्यान या दोघांची भेट झाली होती आणि सेटवर ते दोघं एकमेकांच्या प्रेमात पडले होते. काही काळ डेट केल्यानंतर त्यांनी लग्नाचा निर्णय घेतला होता. परंतु हे नातं फार काळ टिकू शकलं नाही.
