कलाकारांच्या खासगी आयुष्याबद्दल त्यांच्या चाहत्यांना नेहमीच अनेक प्रश्न पडलेले असतात. त्यांच्या खासगी आयुष्याबद्दल ते नेहमीच सोशल मीडियावरून अपडेट देत असतात. अशातच काही असे कलाकार आहेत जे त्यांच्या खासगी आयुष्यामुळे बरेचदा ट्रोलिंगला सामोरे जातात. या होणाऱ्या ट्रोलिंगवर बरेच कलाकार असे आहेत जे मोकळेपणाने बोलतात, तर काही कलाकार आहेत जे या ट्रोलिंगकडे दुर्लक्ष करतात. अशातच सोशल मीडियावर पोस्ट केलेल्या फोटोंमुळे एका मराठमोळ्या अभिनेत्रीला ट्रोलिंगचा सामना करावा लागतोय. ही अभिनेत्री म्हणजे प्रिया बापट. (priya bapat troll)
सध्या प्रिया बापट ही परदेशवारी करण्यात व्यस्त आहेत. मेलबर्न येथे प्रिया तिचा पती उमेश कामत व इतर मित्र मंडळींसह फिरायला गेली आहे. या परदेशवारी दरम्यानचे अनेक फिरतानाचे व मज्जा मस्ती करतानाचे फोटोस तिने सोशल मीडियावरून शेअर केले आहेत. दरम्यान परदेशात जाऊन बिकिनी फोटोशूट केल्यामुळे प्रियाला नेटकऱ्यांनी चांगलंच ट्रोल केलं आहे. प्रिया नेहमीच तिच्या हटके फोटोशूटमुळे चर्चेत असते. अशातच तिने परदेशातील समुद्रकिनारी जाऊन केलेल्या फोटोशूटमुळे प्रिया नेटकऱ्यांच्या तावडीत सापडली आहे.
प्रिया ही तिच्या बिनधास्त व हटके स्वभावामुळे ओळखली जाते. फक्त अभिनय नाही तर तिच्या सौंदर्यामुळे ती नेहमीच चर्चेत असते. अशातच प्रियाने इंस्टाग्राम अकाऊंटवरून शेअर केलेल्या फोटोशूटमुळे तिला ट्रोल केलं आहे. एका नेटकऱ्याने कमेंट करत म्हटलं आहे की, “यातून नेमके काय साध्य करायचे आहे? इस्त्राईल मधल्या बळी पडलेल्या निष्पाप महिलांना विचारा, की प्रत्येक इंचाचा अर्थ व महत्व काय असतं ते. स्वतःच्या शरीराचा अभिमान असावा पण अतिरेक नको. शरीर सौष्ठव स्पर्धेत पण अंग दाखवतात.” तर आणखी एका नेटकऱ्याने कमेंट करत म्हटलं आहे की, “बाहेरील देशात गेलं की स्वतःच्या संस्कृतीला विसरून जातात लोक. मुळात बाहेर गेलं की बिकिनी शूट करणं हा काय प्रकार आहे. बर चला केलं तर केलं लोकांना का दाखवतात?” असा प्रश्न विचारत नेटकऱ्याने संताप दर्शविला आहे. तर आणखी एका नेटकऱ्याने कमेंट करत म्हटलं आहे की, “मराठी कलाारांनी पण आता लाजा सोडल्या देह भान राहिला नाही.”
प्रियाच्या या बिकिनी फोटोशूटवर अनेकांनी कमेंट करत संताप दर्शविला आहे. तर अनेकांनी प्रियाचं फोटोशूट पाहून मराठी अभिनेत्रींना सुनावले आहे. अद्याप तरी प्रियाने यावर काहीही भाष्य केलेलं नाही.