‘बिग बॉस ओटीटी’च्या तिसऱ्या पर्वाची सध्या जोरदार चर्चा सुरु आहे. यावेळी अनेक वादग्रस्त चेहरे या कार्यक्रमामध्ये सहभागी झाले आहेत. या पर्वात युट्यूबर अरमान मालिकदेखील त्याच्या दोन्ही पत्नीबरोबर सहभागी झाला आहे. तिघांच्याही सहभागाने सोशल मीडियावर चांगलीच चर्चा रंगली होती. लोकांच्या कमी मतांमुळे, अरमानची पत्नी पायलला दुसऱ्या आठवड्यातच या शोमधून बाहेर काढण्यात आले. परंतु त्यानंतरही ती सतत चर्चेत राहिली. गेल्या ‘वीकेण्ड का वार’मध्ये तिने घरात येऊन विशाल पांडेला त्याने कृतिकावर केलेल्या कमेंटबद्दल फटकारले. त्यानंतर घरात आणि घराबाहेर गोंधळ झाला असल्याचे पाहायला मिळाले.
पत्नीबद्दलच्या कमेंटवर चिडून अरमानने नॅशनल टीव्हीवर विशालला कानाखाली मारत पायलच्या वक्तव्यावर प्रतिक्रिया दिली. या सर्व घटनेमुळे शोच्या टीआरपीमध्ये चांगलीच वाढ झाली. त्यामुळे आता या शोचा टीआरपी वाढवण्याचे श्रेय फक्त पायलला जात असल्याच्या चर्चा रंगत आहेत आणि याच कारणामुळे निर्मात्यांनी त्याला पुन्हा बोलावले असल्याचे म्हटले जात आहे. सोशल मीडियावर पायल मलिकचा एक व्हिडीओ सध्या व्हायरल होत आहे. यामध्ये पायलच्या शेजारी उभी असलेली एक महिला “ती (पायल) पुन्हा ‘बिग बॉस’मध्ये जाणार आहे आणि हे पहिल्यांदाच होत आहे” असं म्हणत आहे. याबरोबरच त्या महिलेने अरमान मलिकच्या कुटुंबाला पाठिंबा देण्याचे आणि मतदान करण्याचे आवाहनही केले आहे.
Ugh, what why? Wo Arman aur Kritika tolerate ho nahi rahe the, isko kise dekhna hai? #BiggBossOTT3
— Blake (@blake_whothis) July 9, 2024
Wildcard ki hopes deke isse bhej rahe hai kya? Yeh jaake wahi #VishalPandey ka topic stretch karegi.#Naezy #LuvKataria #ElvishYadav #SaiKetanRao #SanaMakbul pic.twitter.com/0cy6nhEneM
आणखी वाचा – मनी लाँड्रिंग प्रकरणी जॅकलिन फर्नांडिसला पुन्हा एकदा ईडीचे समन्स, चौकशीसाठी बोलावलं अन्…; अडचणीत वाढ होणार
या व्हिडीओनंतर नेटकरी आश्चर्यचकित झाले आहेत. खरंच पायलला वाइल्ड कार्ड एन्ट्री म्हणून घरात आणले जाणार का? की या फक्त अफवा आहेत. अशा अनेक चर्चा सोशल मीडियावर रंगत आहेत. पायलने फक्त ‘वीकेण्ड का वार’मध्ये येऊनच घरात हंगामा केला होता तर ती आता पुन्हा या घरात आली तर ती नक्कीच विशाल पांडेचा बदला घेईल. असंही म्हटलं जात आहे.
आणखी वाचा – ‘बिग बॉस ओटीटी’ फेम अभिनेत्री व तिच्या पतीवर फसवणूकीचे गंभीर आरोप, नेमकं प्रकरण काय? जाणून घ्या…
दरम्यान, गेल्या ‘वीकेण्ड का वार’मध्ये पायल आली होती. तेव्हा तिने विशाल पांडेवर कृतिका मलिकबद्दल असभ्य कमेंट केली असल्याचे म्हटलं. यानंतर विशालने आपल्या स्पष्टीकरणात म्हटले आहे की, तो त्या अर्थाने बोलला नव्हता. त्यानंतर अरमान विशालशी बोलायला गेला आणि त्यांच्यात बाचाबाची झाली. यात अरमानने विशालला कानाखाली मारली.
