Parag Tyagi Emotional Post : शेफाली जरीवालाच्या अचानक निधनाने मनोरंजन विश्वात शोक व्यक्त केला गेला. वयाच्या ४२व्या वर्षी शेफालीचा मृत्यू ह्रदयविकाराच्या झटक्याने झाल्याचं समोर आलं. तर काहींनी शेफालीच्या मृत्यूचे कारण अँटी एजिंग असल्याचं बोललं. शेफालीच्या मृत्यूने तिचा नवरा पराग त्यागी आणि तिचे कुटुंब पूर्णतः आतून तुटले. शेफालीच्या निधनाचा धक्का तिचे संपूर्ण कुटुंब आजही पचवू शकत नाही आहेत. शेफालीच्या आठवणीत पती पराग पूर्णतः कोलमडला आहे. शेफालीच्या पश्चात पती पराग आणि त्यांचा पाळीव श्वान सिम्बा हे दोघेच आहेत. अशातच पत्नीच्या आठवणीत पराग पोस्ट शेअर करत भावुक झालेला पाहायला मिळाला. ज्यामध्ये तो शेफालीचा हात हातात धरत आहे. शेफाली आणि परागबरोबर त्यांचा श्वान सिंबा देखील दिसला.
परागने शेअर केलेल्या या व्हिडीओमध्ये शेफालीने तिचा पाळीव श्वान सिम्बा आणि परागला धरुन ठेवले आहे. परागने हा व्हिडीओ शेअर केला आणि लिहिले, “कायमचे एकत्र”. परागच्या या व्हिडीओवर लोक टिप्पणी करत आहेत. एकाने लिहिले आहे की, “हे हृदय मोडणार आहे. नेहमी मजबूत रहा”. दुसर्याने लिहिले, “वाहगुरू आपल्याला आणि आपल्या कुटुंबास धैर्य देत आहोत”.
शेफालीच्या मृत्यूनंतर, तिच्या पोटच्या मुलासारखी असलेल्या श्वान सिम्बाची तब्येत बिघडल्याची बातमी समोर आली. मात्र ही बातमी अफवा असल्याचं म्हणत परागने हा व्हिडीओ शेअर केला. ज्यामध्ये सिम्बा अगदी ठणठणीत दिसत आहे आणि परागने या पोस्टमध्ये लिहिले आहे की, “तो त्याच्या आईच्या सर्व विधी पूर्ण करीत आहे”. अलीकडेच परागने शेफालीसाठी भावनिक पोस्ट शेअर केली. ज्यामध्ये त्याने शेफालीबरोबर काही फोटो शेअर केले.
आणखी वाचा – राजकुमार राव व पत्रलेखा आई बाबा होणार, लग्नाच्या चार वर्षानंतर गुडन्यूज, शेअर केली खास पोस्ट
परागने फोटो शेअर करत म्हटलं, “परी, तू जेव्हा केव्हा जन्म घेशील त्या प्रत्येक वेळी मी तुला शोधेन, प्रत्येक जन्मामध्ये तुझ्यावर प्रेम करेन. मी नेहमीच तुझ्यावर प्रेम करीन. मेरी गुंडी, मेरी छोकरी”. २७ जून रोजी शेफाली हिच्या निधनाची बातमी समोर आली. त्यानंतर या दु: खापासून अजूनही चाहते वा कुटुंबीय सावरलेले नाहीत.
