nilesh sabale clarification : राशिचक्रकार शरद उपाध्ये आणि डॉ. निलेश साबळे यांच्यातील वाद पेटून उठला. शरद यांनी निलेश यांना थेट टार्गेट करत त्यांच्याविरोधात पोस्ट शेअर केली. आणि निलेश यांनी काल शरद यांच्या या पोस्टला प्रत्युत्तर दिलं आहे. १० वर्षांपूवीचा उल्लेख करत त्यांनी निलेश यांना टोकलं. त्यामुळे निलेश यांनीही त्यांना त्यांच्याच भाषेत थेट उत्तर दिलं. सहा वर्षांपूर्वीही शरद उपाध्ये यांनी निलेश यांना थेट पोस्ट करत भंगारवाला असं म्हटलं. यावर निलेश यांनी वडीलधारी व्यक्ती म्हणून त्याकडे दुर्लक्ष केलं. याबाबत आता सहा वर्षांनी निलेश यांनी शरद यांना याबाबत व्हिडीओद्वारे विचारलं. सध्या त्यांचा हा वाद विशेष चर्चेत आलेला पाहायला मिळत आहे.
निलेश यांनी व्हिडीओ शेअर करत म्हटलं की, “वडीलधाऱ्या अधिकाऱ्याने मी निलेश साबळेंना काही सांगायचा प्रयत्न केला असं तुम्ही म्हटलं, तर माझा आणि माझ्या वडिलांचा काही विसंवाद झाला तर ते थेट मला फोन करतात, ते मला खडसावतात, हे तुझं चुकलं आहे हे मला स्पष्ट करतात. त्यांनी अधिकाराच्या बातमीने मला खडसावले असते सोशल मीडियावर पोस्ट नसतं केलं. मी तुमचा खूप मोठा फॅन आहे. अजूनही मी तुमचं ऐकतो. तुमच्या कॅसेट मी अजूनही ऐकतो. तुम्ही असं कराल असं मला कधीही वाटलं नाही, हे एकदा झालं असतं तर मी सोडूनही दिलं असतं, पण ही एक नाही तिसरी वेळ आहे”.
सहा वर्षांपूर्वीचा तो मुद्दा पुन्हा काढत निलेश म्हणाले, “सहा वर्षांपूर्वीही तुम्ही अशीच पोस्ट केली होती की, भंगारवाल्यांच्या हाती असे कलाकार लागले आणि हिऱ्यांचा चुकीचा वापर केला. मोठी व्यक्ती म्हणून मी दुर्लक्ष केलं.. हा अपमान त्या पोस्टमध्ये नाही, जर हे दहावर्षापूर्वी घडलं होतं. प्रत्येकाला आपला मुद्दा मांडण्याचा अधिकार आहे पण फक्त आधी थोडी माहिती आत्मसात करणे गरजेचं आहे, डच्चू दिलं, हाकलून लावलं, चॅनेलने बाहेर काढलं हे बोलण्याआधी तपासा, वा थेट मला विचारा”.
आणखी वाचा – “स्माईल दिली नाही?”, शरद उपाध्येंच ते वाक्य निलेश साबळेंनी खोडून काढलं अन्…; म्हणाले, “माझ्याकडे साक्षीदार…”
शेवटी निलेश संताप व्यक्त करत म्हणाले, “सर, मला तुमच्या पोस्टमध्ये तुम्ही भंगारवाला म्हणाला होता. भंगारवाला, अहंकारी, हीन दर्जाचा, सर्वनाश, अधःपतन, खालच्या दर्जाचा हे सगळं तुम्ही ६ वर्षांपूर्वीच्या पोस्टमध्ये लिहिलंय. तुम्ही इतकं सगळं बोलायचं आणि आम्ही फक्त ऐकून घ्यायचं. ‘चला हवा येऊ द्या’च्या नव्या पर्वात अभिजीत खांडकेकर सूत्रसंचालन करतोय हे मला माहिती आहे. आमची खूप उत्तम मैत्री आहे, ती कायम राहील. अभिजीत माझ्याहीपेक्षा उत्तम सूत्रसंचालन करतो त्यामुळे त्याला आणि टीमला माझ्या मनापासून शुभेच्छा. हा कार्यक्रम माझ्या कायम हृदयात राहील”.
