झी मराठी वाहिनीवरील सर्वच मालिका सध्या प्रेक्षकांच्या पसंतीस पडत आहेत. यातील सर्वांची लोकप्रिय मालिका म्हणजे ‘नवरी मिळे हिटलरला’. या मालिकेचे कथानक थोडे हटके असून दिवसेंदिवस या मालिकेची लोकप्रियता खूप वाढत आहे. या मालिकेत राकेश बापट हा एजे म्हणजे अभिराम जहागीरदार व वल्लरी लोंढे ही लीलाची भूमिका साकारताना दिसत आहे. दोघांचीही या मालिकेमध्ये केमिस्ट्री पाहायला मिळत आहे. मालिकेत दिवसेंदिवस येणाऱ्या वळणांमुळे ही मालिका प्रेक्षकॅनचे लक्ष वेधून घेत आहे.
अशातच मालिकेत एक नवीन एंट्री झाली आहे. ‘पुढचं पाऊल’ या लोकप्रिय मालिकेतील अभिनेता प्रसाद लिमयेची ‘नवरी मिळे हिटलरला’मध्ये जबरदस्त एंट्री झाली आहे. सध्या मालिकेत एजेच्या लग्नाची जोरदार तयारी सुरू आहे. त्यामुळे एजेची आई सरोजिनी जहागीरदारांनी दुर्गाचा नवरा किशोर जहागीरदारलादेखील लग्नाचं आमंत्रण देण्याबाबत एजेला सांगितलं. यावेळी एजेने हा निर्णय दुर्गाने घ्यावा असं स्पष्ट सांगितलं. त्यामुळे आता दुर्गा काय निर्णय घेते हे पाहणं महत्त्वाचं असणार आहे.
किशोरला एजेचा लग्नाचं आमंत्रण मिळणार का? आणि किशोर एजेच्या लग्नात साळुंखेबरोबर काही कारस्थान रचणार का? तसंच किशोर आणि एजेमध्ये नेमका काय वाद आहे? किशोर जहागीरदार कुटुंबापासून दूर का राहतो? अशा अनेक प्रश्नांची उत्तर येत्या भागात समोर येणार आहेत.
अभिनेता प्रसाद लिमयेने याआधी ‘पुढचं पाऊल’ ही मालिका केली होती. त्यानंतर तो बऱ्याच चित्रपट आणि मालिकांमध्ये झळकला. ‘नकळत सारे घडले’ या मालिकेत तो पाहायला मिळाला. तसंच ‘बेधडक’, ‘What’sup लग्न’, ‘मोगरा फुलला’, ‘फत्तेशिकस्त’ या चित्रपटांमधून त्याने अभिनय केला आहे. अशातच आता अभिनेता पुन्हा एकदा ‘नवरी मिळे हिटलरला’मधून प्रेक्षकांच्या भेटीला आला आहे.
