छोट्या पडद्यावरील अनेक मालिकांमध्ये कधी आई तर कधी सासूच्या भूमिका साकारत अभिनेत्री सुलेखा तळवलकर घराघरांत पोहोचल्या. मराठी नाटक, मालिका व चित्रपटांतून त्यांनी कधी नायिका तर कधी खलनायिका म्हणून त्यांनी प्रेक्षकांचे चांगलेच मनोरंजन केले आहे. आपल्या अभिनयाने चर्चेत राहणाऱ्या सुरेखा या सोशल मीडियावरही तितक्याच सक्रिय असतात. सध्या सुलेखा तळवलकर त्यांच्या युट्यूब चॅनेलमुळे चर्चेत असतात.
सुलेखा यांच्या ‘दिल कें करीब’ कार्यक्रमाला प्रेक्षकांचा भरभरून प्रतिसाद मिळतो. याशिवाय सुलेखा सोशल मीडियावर सुद्धा सक्रिय असतात. सोशल मीडियावर ते त्यांच्या कामानिमित्त व काही फोटो व व्हिडीओ शेअर करत चाहत्यांच्या संपर्कात राहत असतात. अशातच त्यांनी नुकतीच शेअर केलेली ही पोस्ट सर्वांचे लक्ष वेधून घेत आहे. सुलेखा यांनी इन्स्टाग्रामवर एक व्हिडीओ शेअर केला असून या व्हिडीओद्वारे अभिनेत्रीने गाडी घेतल्याचे समजत आहे.
सुलेखा यांनी नुकतीच एक नवीन अलिशान कार खरेदी केली असून याचा एक खास व्हिडीओ त्यांनी सोशल मीडियाद्वारे शेअर केला आहे. या व्हिडीओखाली सुलेखा यांनी असं लिहिलं आहे की, “गाडी चालवणे ही माझी आवड आहे आणि गाड्या ही माझी कमजोरी आहे. कपड्यांनी भरलेल्या वॉर्डरोबपेक्षा गाड्यांनी भरलेले वॉर्डरोब असणं हे माझं नेहमीच एक वेडं स्वप्न होतं.
यापुढे सुलेखा यांनी “मी माझ्या कुटुंबात आणखी एका नवीन सदस्याचा समावेश केला आहे. मोहक, अनेक वैशिष्ट्ये असलेल्या या कारचे मी माझ्या घरी स्वागत करत आहे. मी तुझी चांगली काळजी घेईन आणि तुला आनंदी ठेवीन” असं म्हटलं आहे. सुलेखा यांनी शेअर केलेल्या या व्हिडीओमध्ये अभिनेत्रीचे संपूर्ण कुटुंब पाहायला मिळत आहे.
दरम्यान, सुलेखा यांनी शेअर केलेल्या या नवीन गाडीच्या व्हिडीओला प्रेक्षकांसह अनेक चाहत्यांनी लाईक्स व कमेंट्सद्वारे चांगलाच प्रतिसाद दिला आहे. तसेच अनेकांनी सुलेखा यांना त्यांच्या या नवीन गाडीसाठी शुभेच्छा देत त्यांचे अभिनंदनही केले आहे.
